काठमाडौं - देश संघीयतामा गएको पाँच वर्ष बितिसक्यो । ०७२ असोजमा नयाँ संविधान जारी भएसँगै देश संघीयतामा गएको हो ।

त्यसपछि ०७४ सालमा स्थानीय, प्रदेश र प्रतिनिधिसभा निर्वाचन सम्पन्न भई सात सय ६१ वटा सरकार गठन भएको पनि तीनदेखि चार वर्ष पुग्न थालेको छ । देशमा अहिले सात सय ५३ स्थानीय सरकार, सात प्रदेश सरकार र एक संघीय सरकार मौजुदा हालतमा छन् ।

स्थानीय सरकारले आफ्ना काम सिक्दै गर्दै आएका छन् । केन्द्र सरकारप्रति जनतामा भरोसा टुटेको छ । त्यसको एक मात्र कारण प्रधानमन्त्री केपी ओली हुन् ।

बाँकी रह्यो सात प्रदेश । चारवटा प्रदेशमा एमाले, दुईमा माओवादी केन्द्र र एकमा जसपाको सरकार छ । तर, प्रदेश १, २ र बागमतीबाहेक चारवटै प्रदेश सरकार संकटमा परेका छन् । कुनबेला कसको सरकार गिर्ने र बन्ने हो भन्ने पत्तो छैन ।

अहिलेसम्म सातवटै मुख्यमन्त्रीले आफूहरूले सफल भएको दाबी गरिरहेका छन् । यसमा लुम्बिनी प्रदेशका शंकर पोखरेल र गण्डकी प्रदेशका पृथ्वी सुब्बा गुरुङ अगाडि छन् ।

भन्नलाई प्रदेश १ का मुख्यमन्त्री शेरधन राई र प्रदेश २ का मुख्यमन्त्री लालबाबु राउतले पनि आफ्नो सरकार धेरै सफल भएको दाबी गरिरहेका छन् । तर, बाँकी पाँच प्रदेशका मुख्यमन्त्रीका अगाडि राई र राउत भने फ्लप सावित भएका छन् ।

अन्य पाँच प्रदेशले कम्तीमा प्रदेशको राजधानी र नाम राख्न सफल भएका छन् । तर, प्रदेश १ र प्रदेश २ ले अहिलेसम्म राजधानी र प्रदेशको नामाकरणसमेत गर्न सकेका छैनन् । राई एमाले र राउत जसपाका मुख्यमन्त्री हुन् ।

राईलाई राष्ट्रपति विद्यादेवी भण्डारी र केपी ओलीको आशीर्वाद छ । राउतलाई भने उपेन्द्र यादवको विशेष कृपा छ । तर, अबको डेढ वर्षमा यी दुईले नामाकरण र राजधानी राख्न सकेनन् भने अर्को चुनावमा दुवैलाई जनताले किन पत्याउने ?

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

मुख्यमन्त्री राई र पौडेललाई नहटाए बबण्डर गर्ने आफ्नै पार्टीका सांसदहरुको तयारी

जुन संविधानअनुसार मुख्यमन्त्री बने त्यही संविधान दिवसमा शुभकामना नदिने यी हुन् मुख्यमन्त्री, हटाउने तयारी

मनमा हरि नभएका नेकपाका मुख्यमन्त्री, घाइतेहरु छटपटाइरहँदा वास्ता गरेनन्

ओलीका शेरधनविरुद्ध पनि आज अविश्वासको प्रस्ताव दर्ता हुने

यी कम्युनिस्ट मुख्यमन्त्रीको ६ अर्ब घोटाला कर्तुतबारे मन्त्रीले नै खोले पोल !

नेकपाका यी मुख्यमन्त्रीलाई कारवाही गर्नुअघि स्पष्टीकरण सोधियो