काठमाडौं – कैलाली जिल्लाको टीकापुर नगरपालिका–१ मुनुवा रोडको खाद्य गोदाम नजिक बिहानै बम फेला परेको छ ।

बाटोको किनारमा जेसीबीले नाली खन्ने क्रममा खाद्य गोदाम नजिक बम फेला परेको छ ।

सडक किनारमा फेला परेको बम नै भएकाले निस्क्रिय पार्नका लागि नेपाली सेनाको गोराँगे ब्यारेकलाई खबर गरिसकिएको ईलाका प्रहरी कार्यालय टीकापुरले जानकारी दिएको छ ।

फेला परेको बम सशस्त्र द्वन्द्वका बेला राखिएको हुनसक्ने आशंका प्रहरीले गरेको छ । प्रहरीले घटनास्थललाई नियन्त्रणमा लिएर राखेको छ ।

आज सोमवार बिहान सेनाको बम डिस्पोजल टोली टीकापुर आउन थालेको ईलाका प्रहरी कार्यालय टीकापुरका प्रहरी निरीक्षक अरुण बमले बताएका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।