काठमाडौं – दार्चुला जिल्लामा यात्रु बोकेको जीप दुर्घटना हुँदा ३ जनाको मृत्यु भएको छ भने ४ जना यात्रु घाइते भएका छन् ।

आज शनिवार साँझ जिल्लाको शैल्यशिखर नगरपालिका–८ अमतोलीबाट लेकम गाउँपालिका–४ रिठाचौपातातर्फ जाँदै गरेको ग३च १६९३ नम्बरको जीप लेकम गाउँपालिका–६ उचाकोट बन्स्याडीमा दुर्घटना भएको छ ।

दुर्घटनामा जीप चालक करन नाथसहित शैल्यशिखर नगरपालिका–८ की ७० वर्षीया सुनादेवी पन्त र ४० वर्षीय पदमराज पन्तको मृत्यु भएको प्रहरीले जनाएको छ ।

जिल्ला प्रहरी कार्यालय दार्चुलाका प्रहरी प्रमुख प्रहरी नायब उपरीक्षक (डीएसपी) मनोहर भट्टले ३ जनाको घटनास्थलमा नै मृत्यु भएको जानकारी दिए ।

दुर्घटनामा यात्रुहरू बुद्धिपल्ल्ब पन्त, गंगा पन्त, मुकेश पन्त र वसन्त पन्त घाइते भएका प्रहरीले जनाएको छ ।

घाइते यात्रुको अवस्था गम्भीर रहेका समेत प्रहरीले जनाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।