काठमाडौं - पश्चिमी वायुको प्रभावले देशका केही स्थानमा सामान्यदेखि आंशिक बदली भएको छ । 

पश्चिमी वायुको सामान्य प्रभाव अझै केही दिन रहने मौसम पूर्वानुमान महाशाखाले जनाएको छ ।

आईतबार देशभर दिनैभरि बादल र उच्च पहाडी तथा हिमाली भूभागका केही स्थानमा हिमपातको सम्भावना रहेको मौसम पूर्वानुमान महाशाखाले जनाएको छ ।

‘देशैभर बादल लाग्ने देखिन्छ । घाम लागिहाले पनि पातलो लाग्नेछ,’ महाशाखाकी मौसमविद् गंगा नगरकोटीले भनिन् ।

बादलसँगै कतै–कतै क्षणिक फाट्टफुट्ट वर्षा भने हुनसक्ने समेत उनले बताइन् ।

आईतबार बिहान पौने ६ बजे गरिएको मापनअनुसार काठमाडौं उपत्यकाको न्यूनतम तापक्रम ८.५ डिग्री सेल्सियस रहेको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।