काठमाडौं – राजधानी काठमाडौं उपत्यकाको न्यूनतम तापक्रम ६.५ डिग्री सेल्सियस रहेको छ ।

मंगलवार बिहान साढे ६ बजेको न्यूनतम तापक्रम ६.५ डिग्री सेल्सियस मापन गरिएको मौसमविद् मीनकुमार अर्यालले बताएका छन् ।

अर्यालका अनुसार अहिले बिहान सामान्य तुवाँलो लागेको छ भने बादल पनि लागेकाले आंशिक बदलीको अवस्था रहेको अर्यालले बताएका छन् । काठमाडौंमा मंगलवार दिउँसो आंशिक बदली रहने छ । घाम लाग्ने र बादल लाग्ने क्रम दिनभर चल्ने जनाइएको छ । 

बिहान प्रदेश १ र गण्डकी प्रदेशका पहाडी भू–भागमा आंशिक बदली रहेका समेत जनाइएको छ । प्रदेश १, बाग्मती प्रदेश र गण्डकी प्रदेशमा आंशिकदेखि सामान्य बदली रही बाँकी प्रदेशमा मौसम सामान्यतया सफा रहने जल तथा मौसम विज्ञान विभागले पूर्वानुमान गरेको छ ।

मंगलवार राति प्रदेश १, प्रदेश २, बाग्मती र गण्डकी प्रदेशमा आंशिकदेखि सामान्य बदली रही बाँकी भूभागमा मौसम सामान्यतया सफा रहने जनाइएको छ । प्रदेश १, बाग्मती तथा गण्डकी प्रदेशका पहाडी भू–भागका १–२ स्थानमा हल्का वर्षाको सम्भावना रहेको छ । यद्यपि वर्षाको सम्भावना निकै न्यून रहेको मौसमविद् अर्यालले बताएका छन् ।

देशका विभिन्न भू–भागमा बादल लागेसँगै राम्रोसँग घाम नलाग्दा दिउँसोको तापक्रममा हल्का गिरावट आउने विभागले जनाएको छ । तराईका केही भूभागमा बिहानको समयमा बाक्लो हुस्सु र कुहिरो समेत लाग्ने सम्भावना रहेकाले चिसोबाट बच्न आवश्यक सतर्कता अपनाउन विभागले आग्रह गरेको छ ।

बिहान लागेको हुस्सु र कुहिरो केही समयमा हटेर जाने अर्याल बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।