काठमाडौं – नेपाली कांग्रेसका युवा नेता एवम् पूर्वसांसद रामहरि खतिवडाले कांग्रेसले बनाएको संविधानलाई असफल बनाउन प्रधानमन्त्री केपी ओली सक्रिय भएर लागेको आरोप लगाएका छन् ।

‘संविधानले नदिएको अधिकार प्रयोग गरेर ओलीजीले संसद विघटन गर्नुभएको छ । चार वर्ष मसहित ओलीजी, विद्यादेवी भण्डारी, सुवासचन्द्र नेम्वाङ, झलनाथ खनाल सबै एउटै क्लासमा बसेर संविधान बनाएका हौँ’, उनले भने, ‘निरंकुश बन्नका लागि ओलीजीले संविधानमा हुँदैनभएको अधिकार प्रयोग गर्नुभयो । उहाँले आफ्नो निर्णयलाई सच्याउनुपर्छ ।’

कांग्रेसका नेता खतिवडाले प्रधानमन्त्री ओलीमा निरंकुश बन्ने चाहना पलाएर संसद विघटन गरेको टिप्पणी पनि गरेका छन् ।

जनताले निर्वाचनमा झण्डै दुईतिहाइको बहुमत दिँदा पनि कम्युनिस्टहरूले देश चलाउन नसकेको भनेर खतिवडाले आलोचना गरेका छन् । ‘मुलुकको विकास, समृद्धि र जनताको उन्नति होला भनेर कांग्रेसले तीन वर्षसम्म सरकारलाई कुनै पनि अफ्ठ्यारो पारेन । संसदबाट विधेयक पास हुँदा अवरोध गरेन । कुनै दिन सरकारको विरोध गरेन’, उनले भने, ‘आफूभित्रको झगडाले गर्दा संसद विघटन गरियो । कम्युनिस्टहरूले भ्रष्टाचार गरे । यो कुरा हामीले भनेको होइन । उहाँहरू आफैले एकले अर्कालाई भन्नुभएको छ ।’

जनताबाट दुईतिहाइको बहुमत पाउँदा पनि कम्युनिस्टहरूले केही काम नगरेर संसद विघटन गरेको भन्दै अबको निर्वाचनमा जनताले कम्युनिस्टहरूलाई हराएर दण्ड दिनुपर्ने कांग्रेस नेता खतिवडाले बताएका छन् । ‘कम्युनिस्टहरूफेरि जनतासँग भोट माग्न आउनेछन्’, उनले भने, ‘भोट दिने हो । तर, कम्युनिस्टविरुद्ध जनताले भोट दिनेछन् । कांग्रेसलाई भोट दिएर जिताउनेछन् ।’

कांग्रेसका नेता खतिवडाले ओलीलाई ईमान्दार भएर वैशाखमा चुनाव गरेर देखाउन सुझाव दिएका छन् । ‘ओलीजी साच्चिकै निर्वाचन गर्ने हो भने वैशाखमा गरेर देखाउनुस्’, उनले भने, ‘तपाईलाई ओखलढुंगाबाट हटाएर लखेटछौँ । चुनावबाट कांग्रेस भाग्दैन । तपाईको हारका सुरुवात ओखलढुंगाबाट हुनेछ ।’

नेकपालाई ‘फुकपा’ भनेका खतिवडाले भने, ‘फुकपा भनेको फुट्ने कम्युनिस्टहरूलाई जनताले राम्रोसँग चिनेका छन् । कम्युनिस्टले सबैतिर ताला लगाएको विकास र देशलाई अवरुद्ध बनाएका छन् । आजकै मितिदेखि कांग्रेसले विकासका लागि जनतासँग आग्रह गर्छु । कांग्रेसलाई जिताउनुस् । तपाईहरू र देशको विकास कांग्रेसले गर्छ ।’

ओखलढुंगा जिल्लामा कांग्रेसले जितेको बेला ल्याएका विकासका कार्यक्रमहरूलाई नेकपाका सांसद यज्ञराज सुनुवारले आफूले ल्याएको भनेर दावी गरेको भन्दै खतिवडाले आपत्ति जनाए । उनले भने, ‘म सांसद हुँदा सडक, पुल, विजुली, पानी ल्याएँ । विकासका योजनाहरू राखे । नेकपाका सांसदले हामीले बनाएको विकासका कार्यक्रमहरू लाज नमानेर उद्घाटन गर्नु हिँड्नुभएको छ ।’

नेकपाका सांसद सुनुवारले जिल्ला समन्वय समितिको सरकारी गाडी दुरुपयोग गरेको भन्दै खतिवडाले अपात्ति जनाएका छन् ।
उनले कम्युनिस्टहरूले आफ्नै दुईतिहाइको सरकार हुँदा पनि ओखलढुंगा जिल्लामा नयाँ कार्यक्रम ल्याउन नसकेको भन्दै आक्रोश पोखेका छन् । ‘कम्युनिस्टहरूले जनतालाई धोका दिएका छन् । अब भोट माग्न आउँदा कम्युनिस्टहरूले कुन मुख लिएर आउने हुन् ?’, खतिवडाले भने, ‘कम्युनिस्टले जनतालाई धोका दिएका छन् । जनतालाई समृद्धि बनाउने भनेर झुट बोलेका छन् । जनताले सजाय दिनुपर्छ ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेसका खतिवडाले फेरि गरे कम्युनिष्ट मुर्छा पर्ने कार्य, पलापुमा उमँग

कांग्रेसका खतिवडाद्वारा क्वारेन्टिनको अनुगमन, माहामारीको बेला पनि असुल्नेलाई नछाड्ने उद्घोष

दुवै मृगौला फेल भएकी पिडितलाई कांग्रेस नेता खतिवडाले गरे २ लाख ४० हजार हस्तान्तरण

सरकारको चरम लापरवाही भएपछी कांग्रेस नेता खतिवडाले गराए स्वास्थ्य मन्त्रालयमा ध्यानाकर्षण

कांग्रेस नेता खतिवडाद्वारा अख्तियारको भण्डाफोर, 'सानालाई ऐन, ठूलालाई चैन' बन्द गरियोस्

सरकारमाथि भर पर्नु भनेको घुमाउरो पाराले मृत्यु शय्यामा जानुपर्छ भन्ने आसय हो ? कांग्रेस नेता खतिवडा