काठमाडौं – नवगठित साझा विवेकशील पार्टीका अध्यक्ष रवीन्द्र मिश्रले देशका विभिन्न ठाउँमा राजतन्त्रको पक्षमा भइरहेका शान्तिपूर्ण आन्दोलनलाई सम्मान गर्नुपर्ने बताएका छन् ।

साझा पार्टी र विवेकशील नेपाली दलबीच एकता घोषणा कार्यक्रममा मिश्रले संवैधानिक अधिकारको प्रयोग गरेर भएका शान्तिपूर्ण आन्दोलनलाई सम्मान गर्नुपर्ने बताए ।

‘दृष्टिकोण मिले पनि नमिले पनि शान्तिपूर्ण रूपमा हुने आन्दोलनलाई सम्मान गर्नुपर्छ । दुईतिहाइ मत ल्याएर सर्वशक्तिमान बनेको सरकारले राम्रोसँग काम गरिदिएको भए आज सडकमा कोही पनि निस्किनुपर्ने थिएन,’ मिश्रले भने ।

राजावादीको आन्दोलनलाई ‘प्रतिगमन सल्बलाएको’ भनेर पन्छाउन नमिल्ने उनले बताए । गणतन्त्रवादीको भ्रष्ट चरित्र र नालायकीपनले गर्दा जनताको असन्तुष्टि सडकमा पोखिएको मिश्रले बताए ।

राजतन्त्र लगायत कैयौं विषयमा आफ्नो पार्टीभित्र फरक–फरक मत रहेको र त्यसलाई महाधिवेशनमार्फत टुंगो लगाइने उनले बताए । उनले थपे, ‘पक्ष र विपक्षमा साथीहरू हुनुहुन्छ । बहस र छलफल हुन्छन् । उदार लोकतन्त्रमा, बहुलवादी लोकतन्त्रमा विश्वास गर्ने हो भने सबै दृष्टिकोणलाई सम्मान गर्नुपर्छ ।’

साझा र विवेकशील पार्टीबीच बुधबार एकता भएर विवेकशील साझा पार्टी निर्माण भएको छ । पार्टीमा मिश्र अध्यक्ष र मिलन पाण्डे संयोजक छन् । कोरोनाका कारण एकताको घोषणा भर्चुअल माध्यमबाट भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आफ्ना विश्वास पात्रले छाड्दै गएपछि साझा पार्टीका रवीन्द्र मिश्र एक्लिँदै

केपी ओली र प्रचण्डलाई जेल हाल्ने रवीन्द्र मिश्रको यस्तो योजना

रवीन्द्र मिश्रको विवेकशील साझाद्वारा राष्ट्रिय सभा निर्वाचन बहिष्कार

कमल थापाकै लाइनमा रविन्द्र मिश्र, संघीयता खारेजीमा एकमत

रवीन्द्र मिश्रले राजा ल्याउनुपर्ने विचार अघि सारेपछि राप्रपा अध्यक्ष लोहनीले राखे पार्टी एकताको प्रस्ताव

सक्किने बाटोमा विवेकशील साझा, सांसदसहित २६ केन्द्रीय सदस्यको जिम्मेवारी खोसियो