काठमाडौं - नेपालमा वैकल्पिक राजनीतिक शक्ति गठन भएको देख्न चाहनेलाई लोप्पा खुवाइदिएका विवेकशील साझा पार्टीका संयोजक रवीन्द्र मिश्रलाई अहिले पूर्वराजावादीले हाईहाई गर्न थालेका छन् ।

मिश्रले संघीयता खारेज, धर्मनिरपेक्षतामा जनमतसंग्रहको प्रस्ताव गरेपछि उनलाई राजावादीहरूले प्रशंसा गरेका छन् । त्यति मात्र होइन, मिश्रले राजालाई नेपालको विश्वासको प्रतीकसमेत भनेपछि उनको अहिले पार्टीभित्रै आलोचना हुन थालेको छ ।

तर पूर्वराजावादीहरूले मिश्रको विवेकशील साझा पार्टीसँग एकता र सहकार्यको प्रस्ताव गर्न थालेका छन् । केही दिनअघि राप्रपा अध्यक्ष कमल थापाले मिश्रको निकै प्रशंसा गरेका थिए ।

शुक्रबार राप्रपाकै अर्का अध्यक्ष डा.प्रकाशचन्द्र लोहनीले मिश्रको पार्टीसँग एकता र सहकार्यको प्रस्ता गरेका छन् । लोहनीले मिश्रले नेपालको हिन्दु सनातन धर्म पहचानबारे गरेको टिप्पणी सकारात्मक भन्दै मिलेर जान प्रस्ता गरेका हुन् ।

‘हालै साझा पार्टीका संयोजक रवीन्द्र मिश्रजीले नेपालको हिन्दु सनातन धर्म पहचानबारे गर्नुभएको टिप्पणी सकारात्मक छ।  अब यस दृष्टिकोणमा विश्वास गर्दै आएका र भविष्यमा यो बाटो अपनाउन चाहने दल र शक्ति हरुबीच राजनीतिक समझदारी र सहकार्यको संरचना बनाउने प्रयास गरी देशमा ‘सशक्त’ तेस्रो  शक्तिको निर्माण गरौं,’ लोहनीले सामाजिक सञ्जालमा प्रस्ताव गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आफ्ना विश्वास पात्रले छाड्दै गएपछि साझा पार्टीका रवीन्द्र मिश्र एक्लिँदै

राप्रपा अध्यक्ष कमल थापालाई कोरोना संक्रमण

पारस शाहकी छोरीको त्यो फोटो, जसले देखाउँछ राजतन्त्र र गणतन्त्र माग्ने बीचको भिन्नता !

राजावादीको शान्तिपूर्ण आन्दोलनलाई सम्मान गर्नुपर्छ : रवीन्द्र मिश्र

केपी ओली र प्रचण्डलाई जेल हाल्ने रवीन्द्र मिश्रको यस्तो योजना

रवीन्द्र मिश्रको विवेकशील साझाद्वारा राष्ट्रिय सभा निर्वाचन बहिष्कार