काठमाडौं - अघिल्लो निर्वाचनताका पत्रकारिता छाडेर राजनीतिमा लाग्दा रवीन्द्र मिश्रको क्रेज निकै थियो । वैकल्पिक राजनीतिक शक्ति बनाउने घोषणासहित राजनीतिमा उनी उत्रिएपछि देशविदेशबाट धेरै ठूलो सहयोग आउन थाल्यो ।

त्यसपछि मिश्र निकै उत्साहित बने । विदेशमा बस्दै आएका शिक्षित युवायुवतीको मिश्रको साझा पार्टीलाई निकै सहयोग रह्यो । मिश्र पनि हौसिएर काठमाडौं १ बाट प्रतिनिधिसभा निर्वाचनमा नेपाली कांग्रेसका प्रभावशाली नेता प्रकाशमान सिंहसँग प्रतिस्पर्धामा उत्रिए ।

उनले सिंहलाई आच्छु आच्छु पनि बनाए । साझा पार्टीबाटै किशोर थापा काठमाडौंको मेयर उठे । उनले पनि २० हजारभन्दा बढी मत ल्याए ।

निर्वाचनताका साझालाई नेपाली कांग्रेसको विकल्पका रूपमा प्रचार गर्न थालियो । तर, यो तीन वर्षको अवधिमा साझा पार्टी संगठन नै जोगाउन नसक्ने अवस्थामा आइपुगेको छ ।

एकपछि अर्का प्रभावशाली नेताले रवीन्द्र मिश्रलाई छाड्दै गएका छन् । बीचमा साझा पार्टीले विवेकशील नेपाली दलसँग मिलेर चुनाव लड्यो । उज्ज्वल थापा र मिश्र संयोजक बने । तर, पछि दुवै आ–आफ्नो बाटो लागे ।

मिश्रको साझा पार्टीबाट वैचारिक निर्माण गर्ने सूर्यप्रकाश आचार्य, मुमाराम खनालले मिश्रलाई छाडे । त्यसको केही समयपछि साझाका केन्द्रीय सदस्यद्वय मानवी पौडेल र सिद्धि अर्यालले पनि साझा पार्टीलाई बाई बाई गरेका छन् । अब मिश्रसँग केही कांग्रेसबाट गएका असन्तुष्ट मात्र बाँकी छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

राजावादीको शान्तिपूर्ण आन्दोलनलाई सम्मान गर्नुपर्छ : रवीन्द्र मिश्र

केपी ओली र प्रचण्डलाई जेल हाल्ने रवीन्द्र मिश्रको यस्तो योजना

रवीन्द्र मिश्रको विवेकशील साझाद्वारा राष्ट्रिय सभा निर्वाचन बहिष्कार

कमल थापाकै लाइनमा रविन्द्र मिश्र, संघीयता खारेजीमा एकमत

रवीन्द्र मिश्रले राजा ल्याउनुपर्ने विचार अघि सारेपछि राप्रपा अध्यक्ष लोहनीले राखे पार्टी एकताको प्रस्ताव

सक्किने बाटोमा विवेकशील साझा, सांसदसहित २६ केन्द्रीय सदस्यको जिम्मेवारी खोसियो