काठमाडौं - कोरोना महामारीले मुलुक अस्तव्यस्त भएको र सरकारले वास्ता नगरिरहेका बेला कांग्रेस युवा नेता तथा पूर्वसभासद रामहरि खतिवडा भने जनताको साथमा उभिएका छन् । महामारीको यस कठिन परिस्थितिमा जनताको साथमा उभिएर कोरोना महामारीविरुद्धको लडाइँको अग्रपंक्तिमा खतिवडा रहेका छन् । 

नेता खतिवडाले महामारीमा गृहजिल्ला ओखलढुंगा पुगेर गुर्जो खेती विस्तारका लागि बिरुवा बाँडिरहेका छन् । दसैंको अवसरमा गृहजिल्ला पुगेका खतिवडाले कोरोना महामारीविरुद्धको लडाइँमा उपयोगी मानिएको गुर्जो खेतीमा स्थानीयहरुलाई प्रोत्साहित गरिरहेका छन् । 

उनले ओखलढुंगाको मानेभञ्ज्याङ गाउँपालिकाका सबै वडामा गुर्जो खेतीका लागि बिरुवा वितरण गरेका हुन् । रोगप्रतिरोधात्मक क्षमता बढाउने जडीबुटीका रूपमा प्रयोग भइरहेको गुर्जो मानेभञ्ज्याङका दुई हजार सात सय तथा सुनकोसी र सिद्धिचरणका विभिन्‍न वडामा तीन सय गरेर तीन हजार बिरुवा रोपिने खतिवडाले जानकारी दिएका छन् । 

उनले गुर्जो खेती विस्तारका लागि गाउँपालिकाका नौवटै वडामा तीन-तीन सयका दरले वितरण गरेको बताए । उनले आफू जनतामाझ पुगेर जनताको अवस्था र कोरोना महामारीले पारेको प्रभावबारे बुझ्‍न विभिन्‍न स्थानीय तहमा पुगिरहेका छन् । 

उनले भने, "अहिले सरकार जनताको साथमा नभएको अवस्थामा प्रतिपक्ष जनताको साथमा रहेको भन्‍ने आभास दिलाउन हामी जनतामाझ पुगिरहेका छौं । नेपालका प्रधानमन्त्रीले खुफिया प्रमुखलाई भेटेर राष्ट्रवादी मुकुण्डोको वास्तविकता छर्लङ्‌ग भएको छ । सरकार जनताको साथमा छैन । त्यसकारण हामी जनताको साथमा पुगिरहेका छौं ।" 

उनले खेलकुदलाई प्रबर्द्धन गर्न र युवा सक्रियता बढाउनका लागि खेल सामग्रीहरुसमेत वितरण गरेका छन् । उनले भने, "अहिले सबैतिर युवाहरुमा पनि वितृष्णा पैदा भइरहेका बेला खेलकुदमार्फत उनीहरुको सक्रियता बढाउनका लागि विभिन्‍न स्थानीय तहमा फुटबल, भलिबल र नेटहरु वितरण गरेका छौं ।"

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेसका खतिवडाले फेरि गरे कम्युनिष्ट मुर्छा पर्ने कार्य, पलापुमा उमँग

कांग्रेसका खतिवडाद्वारा क्वारेन्टिनको अनुगमन, माहामारीको बेला पनि असुल्नेलाई नछाड्ने उद्घोष

दुवै मृगौला फेल भएकी पिडितलाई कांग्रेस नेता खतिवडाले गरे २ लाख ४० हजार हस्तान्तरण

सरकारको चरम लापरवाही भएपछी कांग्रेस नेता खतिवडाले गराए स्वास्थ्य मन्त्रालयमा ध्यानाकर्षण

कांग्रेस नेता खतिवडाद्वारा अख्तियारको भण्डाफोर, 'सानालाई ऐन, ठूलालाई चैन' बन्द गरियोस्

सरकारमाथि भर पर्नु भनेको घुमाउरो पाराले मृत्यु शय्यामा जानुपर्छ भन्ने आसय हो ? कांग्रेस नेता खतिवडा