काठमाडौं - काठमाडौं महानगरपालिका वडा नम्बर ४, गीताञ्जली मार्गकी ९६ वर्षीया चिजमाया लिम्बूले आफ्नो वृद्ध भत्ता वडाध्यक्षसहितको समूहले हिनामिना गरेको भन्दै कारबाहीको माग गरेर अख्तियार दुरुपोग अनुसन्धान आयोगमा जाहेर दिएकी छिन् ।

वडाध्यक्ष मोहनबहादुर विष्टसहितलाई वृद्धा लिम्बूले बुधबार आयोगमा किर्ते काण्डमा छानविन गरी कारबाहीको माग गरेर जाहेरी दिएकी हुन् । नेपाल कम्युनिस्ट पार्टी (नेकपा)बाट निर्वाचित वडाध्यक्ष मोहनबहादुर विष्ट, वडा सदस्य दिनेश महर्जन र ध्रुबप्रसाद त्रिपाठीविरुद्ध लिम्बूले अख्तियारमा जाहेरी दिएकी हुन् ।

वडाध्यक्ष विष्टसहितको समूहलाई लिम्बूले आर्थिक वर्ष ०७६÷७७ मा सरकारी कागज किर्ते गरी किर्तेसम्बन्धी कसुर लगाएकी छिन् । काठमाडौं महानगरपालिकाले दिने ‘वरिष्ठ जष्ठ नागरिक महानगर प्रोत्साहत भत्ता’ रु. १२ हजार किर्ते हस्ताक्षर गरेर वडाध्यक्ष विष्टसहितको समूहले हिनामिना गरेपछि लिम्बूले कारबाहीको माग गरेर अख्तियारमा लिखित उजुरी दिएकी हुन् ।

लिम्बूले दर्ता गराएको निवेदनको दर्ता नम्बर ‘सी ०३४५६३’ रहेको छ । यसअघि लिम्बूले सोमबार नाती सुमन लिम्बु र सुरज गुरुङलाई आफ्नो वृद्ध भात्ता लिन वडा कार्यालयमा पठाएकी थिइन् ।

तर, वडाध्यक्ष विष्टले भत्ताका बारेमा जानकारी दिन आनाकानी गर्दै दुर्व्यवहार गरेका थिए । वडाध्यक्ष विष्टले सुमन र सुरजलाई दुर्व्यवहार गरेपछि भनाभन भएको थियो । उपप्रधानमन्त्री एवम् रक्षामन्त्री ईश्वर पोखरेल निकट मानिने वडाध्यक्ष विष्टले राजनीतिक पावर देखाएर सोमबारनै पीडितलाई नै प्रहरी बोलाएर पक्राउ गरी थुन्न लगाएका छन् ।

महानगरीय प्रहरी वृत्त महाराजगञ्जका प्रमुख डीएसपी रोशन खड्कालाई वडाध्यक्ष विष्टले रक्षामन्त्री पोखरेलको पावरमा दवाव दिइ वृद्ध भत्ता माग्ने सुमन र सुरजलाई थुनाएको आरोप पीडित पक्षको छ ।

डीएसपी खड्काले किर्ते गर्ने वडाध्यक्ष विष्टसहितको समूहलाई उन्मुक्ति दिएर उल्टै पीडित पक्षलाई सोमबारदेखि थुनामा राखेर झन् पीडा दिइरहेका छन् ।

नेकपाका सचिवालय सदस्य समेत रहेका उपप्रधान एवम् रक्षामन्त्री पोखरेलले वृद्ध भत्ता किर्ते गरी झ्वाम पारेको अभियोग लागेका वडाध्यक्ष विष्टसहितको समूहलाई बचाउन पावरको दुरुपयोग गरेर प्रहरीलाई दवाव दिएको आरोप छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !