काठमाडौं- भारतीय प्रधानमन्त्री नरेन्द्र मोदीले पश्चिम एसियाको युद्धका कारण होर्मुजको जलडमरु (स्ट्रेट अफ होर्मुज) मा भइरहेको अवरोध भारतका लागि स्वीकार्य नहुने बताएका छन् ।

संसदलाई सम्बोधन गर्दै उनले यो मार्गबाट भारतमा ठूलो मात्रामा कच्चा तेल, ग्यास र मल भित्रिने भएकाले यसको सुरक्षा महत्वपूर्ण रहेको उल्लेख गरे । युद्ध सुरु भएदेखि यो जलक्षेत्रबाट जहाजहरूको आवतजावत निकै कठिन भएको भए पनि भारत सरकारले पेट्रोल, डिजेल र ग्यासको आपूर्तिमा असर पर्न नदिन हरसम्भव प्रयास गरिरहेको उनले जानकारी दिए ।

प्रधानमन्त्री मोदीले पश्चिम एसियाको वर्तमान अवस्था चिन्ताजनक रहेको बताउँदै त्यहाँ करिब १ करोड भारतीयहरू कार्यरत रहेको स्मरण गराए । उनका अनुसार युद्ध सुरु भएयता ३ लाख ७५ हजारभन्दा बढी भारतीय नागरिक स्वदेश फर्किसकेका छन् । जसमध्ये इरानबाट करिब १ हजार भारतीयहरू फर्किएका छन् ।

प्रधानमन्त्रीले विभिन्न देशका राष्ट्रप्रमुखहरूसँग निरन्तर संवाद गरिरहेको र संकटमा फसेका भारतीयहरूको उद्धारका लागि कूटनीतिक नियोगहरू सक्रिय रहेको बताए । भारतले आफ्नो एलपीजी ग्यासको ६० प्रतिशत आवश्यकता आयातबाटै पूरा गर्ने भएकाले सरकारले घरेलु उपभोक्तालाई प्राथमिकतामा राखेर उत्पादन बढाउन जोड दिएको छ ।

प्रधानमन्त्री मोदीले वार्ता र कूटनीतिबाटै समस्याको समाधान खोज्नुपर्नेमा जोड दिँदै व्यावसायिक जहाजहरूमाथिको आक्रमण तत्काल रोकिनुपर्ने माग गरे । उनले यो युद्धको असर लामो समयसम्म रहने भएकाले सबैलाई एकजुट हुन आग्रह गर्दै यस्तो अवस्थामा भ्रम फैलाउने तत्वहरूदेखि सतर्क रहन समेत सचेत गराए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सर्वदलीय बैठकमा राष्ट्रिय सहमति, सीमामा सेनालाई आवश्यक निर्णय लिने पूर्णअधिकार

गलवानमा चिनियाँ घुसपैठको प्रयास भारतीय सेनाले विफल पार्‍यो, दुश्मनलाई महँगो सावित : मोदी

संयुक्त राष्ट्र संघको पुनर्संरचनाको आवश्यकता भएको भारतीय प्रधानमन्त्री मोदीको जोड

भारतले भन्‍यो - साउथ चाइना सी विश्वको साझा सम्पत्ति हो

भारत र अमेरिकाले विश्वलाई तिव्र रुपमा बाउन्स ब्याक गराइरहेको छ : मोदी

भारतमा नागरिकता पाउनका लागि क्रश्चियन बन्दै मुस्लिम र रोहिंगिया समुदाय