हाम्रा युवा विदेश जानु राम्रो होइन : प्रधानमन्त्री

बिहिवार, चैत्र ६ २०८१

1.3K

हाम्रा युवा विदेश जानु राम्रो होइन : प्रधानमन्त्री

काठमाडौं । प्रधानमन्त्री केपी शर्मा ओलीले नेपालमै अवसर हुँदाहुँदै पनि युवाहरू बाहिर देश जानु राम्रो नभएको बताएका छन्। आज सदनमा सांसद भगवती चौधरीले सोधेको प्रश्‍नको जवाफ दिँदै ओलीले यस्तो बताएका हुन्।

चौधरीले पछिल्लो समय युवाहरू विदेश जाँदा मुलुक युवाविहीन भएको भन्दै यसलाई रोक्न सरकारको के-के छ योजना भनेर प्रश्न गरेकी थिइन्।

त्यसपछि प्रधानमन्त्री ओलीले जवाफ दिँदै भने,‘मुलुक युवाविहीन भएको भन्नुभएको छ,मुलुक युवाविहीन होइन, ठूलो संख्यामा युवाहरू विदेश गएका हुन्,काम वा पढाएका लागि बाहिर गएका छन्,युवाहरू बाहिर जाने बाध्यता केही होला,देशको पढाइस्तर नराम्रो छैन,नयाँ पिढीलाई सुसूचित गर्नु जरुरी छ,यही अवसर छँदै छ,अवसर नहुँदा बेग्लै कुरा,अवसर हुँदाहुँदै बाहिर जाने प्रवृत्ति राम्रो होइन्,देशलाई माया गर्न नयाँ पिढीलाई सिकाउनुपर्छ।’

ओलीले यो प्रवृत्तिलाई रोक्न सरकार गम्भीर रहेको र त्यहीअनुसार विभिन्न कार्यक्रमहरू सरकारले ल्याएको बताए।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि