काठमाडौं । नेकपा एमालेले संसदीय दलको बैठक बोलाएको छ । दिउँसो १ बजे संघीय संसद् भवनको ल्होत्से हलमा बस्ने गरी बैठक बोलाएको मुख्य सचेतक महेश बर्तौलाले जानकारी दिए। 

संसद् अधिवेशन सुरु हुनुअघि आवश्यक रणनीति तय गर्न संसदीय दलको बैठक बस्न लागेको हो। बैठकमा आउँदो अधिवेशनमा प्रस्तुत हुने नयाँ विधेयकका विषयमा छलफल हुनेछ। यस्तै संसद्लाई कसरी प्रभावकारी बनाउने र सांसद कसरी प्रस्तुत हुने भन्नेबारे ठोस योजना बनाउने प्रमुख सचेतक बर्तौलाले बताए। 

बैठकमा सरकारले ल्याएका अध्यादेशको बचाउमा एकमत भएर जान प्रधानमन्त्री तथा संसदीय दलका नेता केपी शर्मा ओलीले निर्देशन दिनेछन्। सरकारले संसद् नबोलाएर अध्यादेश ल्याएको विषयलाई प्रतिपक्षी दलले संसदमा जोडतोडका साथ उठाउने तयारी गरिरहँदा त्यसको प्रतिवादको रणनीति पनि एमालेले बनाउनेछ। 

सत्तारुढ प्रमुख घटक नेपाली कांग्रेसले संसदीय दलको बैठक राखेर आफ्ना सांसदलाई अध्यादेशको पक्षमा बोल्न निर्देशन दिइसकेको छ। संघीय संसद्को हिउँदे अधिवेशन शुक्रबार शुरु हुँदैछ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रास्वपा संसदीय दलको बैठक बस्दै