१९ वर्ष आजकै दिन ज्ञानेन्द्र शाहले गरेका थिए ‘शाही कू’
१९ वर्ष आजकै दिन ज्ञानेन्द्र शाहले गरेका थिए ‘शाही कू’
काठमाडौं - १९ वर्षअघि २०६१ माघ १९ गते तत्कालीन राजा ज्ञानेन्द्र शाहले ‘शाही कू’ गरेका थिए । नेपालको राजनीतिक इतिहासमा ‘माघ १९’ लाई कालो दिनका रुपमा हेर्ने गरिन्छ ।
आजकै दिन तत्कालीन राजा ज्ञानेन्द्र शाहले बहुदलीय प्रजातान्त्रिक शासनको अन्त्य गरी शासनसत्ता आफ्नो हातमा लिएका थिए । दलहरुमाथि अंकुश लगाउँदै सत्ता कब्जा गरेको दिनलाई कालो दिनको रुपमा नेपाली राजनीतिको इतिहासमा चित्रित भएको हो ।
ज्ञानेन्द्रले तत्कालीन प्रधानमन्त्री शेरबहादुर देउवालाई पदच्यूत गरी आफ्नै अध्यक्षतामा मन्त्रिपरिषद गठन गरेका थिए । दलीय नेतृत्वलाई हटाइ महत्वाकांक्षी रुपमा शासनसत्ता हत्याएका ज्ञानेन्द्रको कदम नै राजतन्त्रको अवशान हुनुको पहिलो ‘बलियो’ आधार बन्न पुगेको भनेर राजनीतिमा हेरिने गरिन्छ ।
त्यतिबेला ज्ञानेन्द्रले शाही घोषणामार्फत शासनसत्ता आफ्नो हातमा लिएका थिए भने त्यसैदिनबाटै नेपाली सञ्चारमाध्यमसमेतमा ‘सेन्सरसीप’ लगाइएको थियो । सेनाका मेजरहरु सम्पादकका रुपमा सम्पादन कक्षमा बसेर समाचार सम्पादन गर्ने गर्थे ।
आफूलाई मन नपरेको समाचार हटाउन लगाउने, आफैं सम्पादन गर्ने गर्थे । ज्ञानेन्द्र शाहको निरंकुश शासनसत्ता २०६२ र ०६३ को जनआन्दोलनपछि अवसान भएको थियो ।
तर अहिले १९ वर्षपछि ज्ञानेन्द्र शाह आफूले दिएको नासो श्रीपेच खोज्न थालेका छन् । विभिन्न जिल्ला र मठमन्दिर गएर उनले जनताले राजा आऊ देश बचाऊ भन्न लागेको भन्दै राजनीतिक भाषण दिन थालेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४