काठमाडौं -पछिल्लो समय राष्ट्रिय प्रजातन्त्र पार्टी राजसंस्था फर्काउने अभियानमा छ । उसले फागुन ७ पछि काठमाडौं केन्द्रित आन्दोलन गर्ने घोषणा गरेको छ ।

तर पार्टीभित्र देखिएको किचलोले राजसंस्था फर्काउने घोषणा अलपत्र परेको छ । राजसंस्था अहिले नै फर्काउने कि अलि पछि फर्काउने भन्ने विषयले नेताहरूबीच ध्रुवीकरण भएको छ । अ

ध्यक्ष राजेन्द्र लिङ्देनसहित केही नेताहरू अलि पछि सशक्त आन्दोलन गर्ने मुडमा छन् । तर रवीन्द्र मिश्रलगायत अहिले नै फर्काइहाल्नुपर्छ भनेर लागिपरेका छन् ।

तर प्रदेश सभामुखका विषयले राप्रपामा दुई धार देखिएको छ । राप्रपाले ठोस एजेन्डा अघि नसार्दा मेडिकल व्यवसायीसमेत रहेका राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईंले राजेन्द्र लिङ्देनविरुद्ध पूर्वराजासमक्ष चुक्ली लगाएका छन् ।

उनले लिङ्देनले राजसंस्था फर्काउन नसक्ने जिकिर गरेका छन् । प्रसाईले राजेन्द्र लिङ्देनको राजतन्त्र पुनर्स्थापित गर्ने एजेन्डा ‘साँढेको टाङमुनि बाल्टी थापेजस्तै’ भएको टिप्पणी गरेका छन् ।

पूर्वराजा ज्ञानेन्द्र शाहसँग सोमबार सिमरामा भेटवार्ता गरेपछि प्रसाईले पूर्वराजासँग राजेन्द्र लिङ्देनले बेलाबेला भेटेको सत्य भए पनि वास्तविकता भने टाढा रहेको बताए ।

लिङ्देनले आफ्नो एजेन्डा भुलेर राष्ट्रिय सभा निर्वाचनमा रवि लामिछानेका ससुरा उद्धव पौडेललाई जिताउन एमालेसँग राजनीति सौदाबाजी गरेको आरोप पनि प्रसाईंले लगाए ।

उनले आफूलाई पूर्वराजाको सधैँ समर्थन रहेको जिकिर गर्दै आगामी फागुनमा हुने आन्दोलनमा पनि साथ रहने जिकिर गरे । एजेन्डा समान भए पनि प्रसाईं र लिङ्देनबिच सम्बन्ध राम्रो छैन ।

प्रसाईं र लिङ्देनको खोसाखोसमा पूर्वराजा पर्ने गरेको टिप्पणी हुँदै आएको छ । प्रसाईंले फागुन १ देखि दोस्रो चरणको आन्दोलन गर्ने घोषणा गर्दा राप्रपाले पनि फागुनमै छुट्टै आन्दोलन गर्ने तयारी गरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

दुर्गा प्रसाई भन्छन्, प्रचण्डलाई आवश्यक परे घर मात्रै होइन, हरेक सहयोग गर्न तयार छु

कोरोनासँग ‘लिभिङ टुगेदर’मा बस्नुको विकल्प छैनः दुर्गा प्रसाई

बीएण्डसीका सञ्चालक दुर्गा प्रसाईले भने डा. जागेश्वर गौतमको कोरोना अपडेट बन्द गराउनुहोस्

गाँजाको चक्करमा लागेका यी कम्युनिस्ट सांसदको ज्ञानेन्द्र शाहलाई खुला चुनौती

पूर्व राजाले दिए नेताहरुलाई बडार्ने चेतावनी !

ओली सरकारले बढायो पूर्वराजा ज्ञानेन्द्रको सुरक्षा, व्यक्तिगत सुरक्षा व्यवस्थामा ब्यापक परिवर्तन