आज खाँण छुट्ने सम्भावना कति ?

मिडिया डबली

बिहिवार, मंसिर २८ २०८०

3.2K

काठमाडौं - नक्कली शरणार्थी प्रकरणमा थुनामा रहेका पूर्वगृहमन्त्री बालकृष्ण खाँणको विषयमा बिहीबार उच्च अदालत पाटनमा सुनुवाइ हुने भएको छ ।

यसअघि खाँणलाई ३० लाख धरौटीमा छोड्ने कि नछोड्ने भन्ने विषयमा दुई न्यायाधीशबीच राय बाझिएकाले आज तेस्रो न्यायाधीशकोमा सुनुवाइ हुन लागेको हो । कुन न्यायाधीशको इजलासमा सुनुवाइ हुन्छ भन्ने कुरा टुंगो लागिसकेको छैन ।

आज कार्यालय समय सुरु भएपछि गोला प्रक्रियाबाट मात्रै इजलास टुंगो लगाइने छ । आज सुनुवाइ गर्नेले यसअघिका दुईमध्ये जुन न्यायाधीशको राय समर्थन गर्छन्, त्यही आदेश कार्यान्वयन हुन्छ ।

धरौटीमा छोड्ने न्यायाधीश जीवन पाण्डेको आदेशमा समर्थन भएमा खाँण छुट्ने छन् । प्रकाश खरेलको रायमा मत मिलेमा खाँण थुनामै रहनेछन् ।

तर न्यायाधीशले अघिका दुईबाहेक तेस्रो राय दिएमा निवेदन सुनुवाइका लागि सर्वोच्च अदालतको एकल इजलासमा पुग्नेछ ।

१५ मंसिरमा उच्च अदालत पाटनले नक्कली भुटानी शरणार्थी प्रकणमा पूर्वमन्त्री टोपबहादुर रायमाझी, तत्कालीन गृहमन्त्री रामबहादुर थापा बादलका सुरक्षा सल्लाहकार इन्द्रजित राई, आङटावा शेर्पासहित नौजनालाई थुनामै राख्न आदेश दिएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि