कांग्रेस महासमिति बैठकको मिति परिवर्तन, यस्तो रहेछ कारण
कांग्रेस महासमिति बैठकको मिति परिवर्तन, यस्तो रहेछ कारण
फाइल तस्बिर
काठमाडौं - नेपाली कांग्रेसको महासमितिको बैठकको मिति परिवर्तन भएको छ ।
आइतबार कांग्रेस सभापति शेरबहादुर देउवाको निवास धुम्बाराहीमा बसेको केन्द्रीय कार्यसम्पादन समिति बैठकले मंसिर महासमिति बैठकको मिति दुई हप्ता पर सार्दै मंसिर २९ देखि पुस २ गतेसम्म गर्ने निर्णय गरेको हो ।
चाडपर्व र जाजरकोटमा गएको भूकम्पका कारण तयारीको समय कम भएको र हलको उपलब्धता पनि त्यसअघि नभएकाले बैठक सारिएको कांग्रेसले जनाएको छ । कांग्रेस महासमिति बैठक गोदावरीस्थित अन्तर्राष्ट्रिय सम्मेलन केन्द्रमा हुनेछ । यसअघि कांग्रेस महासमिति बैठक मंसिर १५ देखि गर्ने निर्णय भएको थियो ।
कांग्रेसले जाजरकोट र रुकुम पश्चिममा गएको भूकम्पबाट प्रभवितहरुको उद्धार र राहतका लागि तत्काल ५० लाख उपलब्ध गराउने निर्णय पनि गरेको छ ।.अन्य रकम सहयोगका लागि पार्टीका केन्द्रीय सदस्य जिपछिरिङ लामाले ११ लाख रुपैयाँ र पूर्वसांसद तथा कांग्रेसका नेता दिव्यमणि राजभण्डारीले पाँच लाख रुपैयाँ दिने प्रतिबद्धता व्यक्त गरेका छन् ।
प्रभावितहरुमाथि अन्याय नहोस् भन्न कांग्रेसले महामन्त्रीद्वय गगन थापा र विश्वप्रकाश शर्माको संयोजकत्वमा विपद् व्यवस्थापन सँगसँगै सबै कामहरु गर्नेगरी अनुगमन तथा सहजीकरण समिति निर्माण गर्ने निर्णय गरेको छ ।
भूकम्प प्रभावितलाई दिइने राहतको अनियमितता हुन नदिन महामन्त्रीहरुले स्थलगत अवलोकन गर्ने छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४