काठमाडौं - नेपाली कांग्रेसमा १५औं महाधिवेशन लक्षित गतिविधि तीव्र भएको छ ।

कांग्रेसको विधानअनुसार अब शेरबहादुर देउवा तेस्रो कार्यकालका लागि सभापतिमा उठ्न मिल्दैन । सोही कारण अहिलेदेखि नै नेतृत्वका आकांक्षी देखिएका नेताहरूले सक्रियता बढाएका हुन् ।

कांग्रेसमा अहिलेसम्म संस्थापन समूह बलियो छ । तर केही प्रभावशाली नेताहरूले देउवा समूह छाड्ने तयारी गरेका छन् । प्राप्त सूचनाअनुसार नक्कली भुटानी शरणार्थी प्रकरणमा जेलमा रहेका कांग्रेस केन्द्रीय सदस्य बालकृष्ण खाण, प्रकाशशरण महत, मोहनबहादुर बस्नेत, एनपी साउदलगायतका नेता १५औं महाधिवेशनसम्म अर्कै कित्तामा भइसक्नेछन् ।

खाँणबाहेकका महत, साउद र बस्नेत अहिले मन्त्री छन् । उनीहरू अहिले पार्टी गतिविधिमा देखिएका छैनन् । तर खाँण र उनी निकट नेताहरूले भने संस्थापन समूह छाड्ने तयारी गरेका छन् ।

खाँणलाई डा.शेखर कोइरालाले निरन्तर जेलमा गएर भेटिरहेका छन् । अहिलेसम्म उनले दुईपटक खाँणलाई भेटेर कुराकानी गरेका छन् । खाँणसँग शेखर कोइरालाको भेट अर्थपूर्ण मानिएको छ ।

१५औँ महाधिवेशनका लागि नयाँ शक्ति सन्तुलन बनाउने रणनीतिअनुसार उनले भेट गरिरहेको बुझिएको छ । खाण पार्टी सभापति शेरबहादुर देउवाका विश्वासिला नेता हुन्, साथै उनी कांग्रेसभित्र बलियो पकड भएका नेतामध्येका एक पनि हुन् ।

कोइरालाले पछिल्लोपटक शनिबार सुन्धारा पुगेर खाणसँग भेट गरेका थिए । यसअघि १३ भदौमा पनि कोइराला खाणलाई भेट्न गएका थिए । भेटमा खाँणले सभापति देउवाबाट कानुनी लडाइँलगायतमा अपेक्षाकृत सहयोग नपाएको गुनासो गरेका थिए ।

यही असन्तुष्टिलाई क्यास गरेर आफ्नो समूह बलियो बनाउने रणनीतिमा कोइराला लागेको नेताहरूको भनाइ छ । गत साउन ७ मा केन्द्रीय समिति बैठकमा कोइरालाले भुटानी शरणार्थी प्रकरणले नेपालको छवि धुमलिएको भन्दै भ्रष्टाचार र भ्रष्टाचारीलाई संरक्षण गर्न नहुने बताएका थिए ।

‘सुशासन ः भ्रष्टाचार र सुशासन दुई विपरीत दिशामा हिँड्छन् । कांग्रेसले सुशासनको नारा दिने मात्र होइन, भ्रष्टाचार र भ्रष्टाचारीलाई संरक्षण किमार्थ गर्दैन भन्ने विश्वासको वातावरण निर्माण नगरी जनताको घरदैलोमा भोट माग्न जान अब सम्भव छैन,’ बैठकमा उनले भनेका थिए ।

तर अहिले तिनै कोइरालाले खाँणलाई निरन्तर भेट गर्नुले अर्कै सन्देश गएको छ । कोइरालानिकट स्रोतका अनुसार उनी संस्थापनसँग असन्तुष्ट केन्द्रीय सदस्य, जिल्ला सभापति र जनप्रतिनिधिसँग निरन्तर सम्पर्कमा छन् ।

यसैअनुसार उनले महाधिवेशनमा हार–जितमा भूमिका खेल्न सक्ने खाँणसँग सम्पर्क बढाएका हुन् । १५औँ महाधिवेशनकेन्द्रित रणनीतिअन्तर्गत पछिल्लो समय कोइरालाले इतर समूहलाई पकडमा राख्ने र संस्थापनतर्फका नेतालाई रिझाउने प्रयास गरिरहेका छन् ।

सभापतिको तयारीमा लागे पनि उनले औपचारिक घोषणा गरेका छैनन् । बरु भदौ २२ मा कोइरालाले सभापतिका लागि दौडिने समय आइनसकेको जिकिर गरेका थिए ।

१४औँ महाधिवेशनमा यसैपटक एकपटक भन्ने नारासहित शेखर मैदानमा उत्रिएका थिए । १५औं महाधिवेशनमा वर्तमान महामन्त्री गगन थापाले पनि सभापति उठ्ने तयारी थालिसकेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

बालकृष्ण खाँण बने गृहमन्त्री, कसलाई कुन मन्त्रालय ?

गृहमन्त्री भएपछि झन् सादगी बने बालकृष्ण खाँण, यसरी सम्झिए बीपी, किशुनजी र गणेशमानलाई

गृहमन्त्री खाँण र राजदूत बेरीबीच भेटवार्ता

सभामुख सापकोटा र गृहमन्त्री खाँणबीच भेटवार्ता, यी विषयमा कुराकानी

गण्डकीका पर्यटन व्यवसायीलाई कोभिड खोप उपलब्ध गराउन गृहमन्त्री खाँण सक्रिय

गृहमन्त्री खाँणसामु विभागीय प्रमुखहरूको ब्रिफिङ, कैदीबन्दीलाई भेट्न दिन निर्देशन