काठमाडौं - प्रतिनिधिसभा बैठकमा नेपाली कांग्रेसका सांसद सुनिल शर्माले सुनकाण्डमा गृहमन्त्री र अर्थमन्त्रीले राजीनामा नदिए आफू कफन बाँधेर संसद् छिर्नेदेखि अनसन बस्नेसम्मका धम्की दिएका थिए ।

आफ्नै पार्टीका नेता प्रकाशशरण महत अर्थमन्त्री रहेको र गृहमन्त्री नारायणकाजी श्रेष्ठको पनि राजीनामा मागेपछि शर्मा चर्चामा आएका थिए ।

सत्तारुढ दलकै नेताले मन्त्रीको राजीनामा मागेपछि सामाजिक सञ्जाल र मिडियामा सुनिल शर्मा छाउन थाले । तर अर्थमन्त्री महतले शर्माका व्यक्तिगत स्वार्थअनुसार निर्णय नगरिदिएपछि यसरी धम्की दिएको तथ्य खुल्यो ।

स्वास्थ्य बिमाको रकम निकासा नगरिदिएकै कारण महतसँग रुष्ट बनेका शर्मा यतिबेला सिनबाट हराएका छन् । शर्माको विराटनगरमा नोबेल मेडिकल कलेज र काठमाडौंको सिनामंगलमा केएमसी अस्पताल सञ्चालनमा छ ।

त्यसमाथि माओवादी नेता वर्षमान पुनको नाम सुन तस्करीमा जोडिएको र शर्माको शैक्षिक प्रमाणपत्र छानबिनको माग उठेपछि उनी भूमिगत भएको बुझिएको छ ।

उनले एमबिबिएस पढ्न आइएको नक्कली सर्टिफिकेट बनाएको समाचार आउन थालेका छन् । आइएस्सीमा कम नम्बर ल्याएपछि शर्माले नक्कली सर्टिफिकेट बनाएर एमबिबिएस पढेको कांग्रेस नेताहरु बताउँछन् ।

जुन विषयमा सिआइबीले छानबिन गरे पनि दबाबकै कारण मुद्दा दायर रोकिएको थियो । यो प्रकरणले पनि शर्मा पछिल्लो समय चुपचाप बसेका छन् ।

शनिबार पक्राउ परेका चिनियाँ मूलका बेल्जियम नागरिक दावा छिरिङसँग वर्षमानको दोस्ती देखिएको छ । जसकारण सुनिल शर्माको आक्रोश मत्थर बन्दै गएको छ । शर्मा र पुन व्यापारिक साझेदारसमेत हुन् ।

वर्षमानको करोडौं रुपैयाँ शर्माले मेडिकल कलेजमा लगानी गरेको कांग्रेस नेताहरुको भनाइ छ । फरक पार्टीका भए पनि उनीहरुबीच घनिष्टता रहेको र अहिले उनै पुनमाथि सुन तस्करीमा छानबिनको माग हुन थालेपछि शर्माको मुख बन्द भएको स्रोतले बतायो ।

पुनले सुन तस्करीमा आफ्नो संलग्नता नरहेको दाबी गरेका छन् । दावासँग खाना खाएको फोटो आठ वर्षअघिको भएको उनको भनाइ छ । पुनले सुनकाण्डमा आफ्नो संलग्नता पुष्टि भए सजाय भोग्न तयार रहेको पनि बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कुलमान नियुक्तिबारे उर्जामन्त्रि पुनले दिए यस्तो जानकारी

कुलमान हटेसँगै जान थाल्यो झ्यापझ्याप बत्ती, ऊर्जामन्त्री पुनलाई आपत

ऊर्जामन्त्री पुन र शिक्षामन्त्री पोखरेल प्रधानमन्त्री ओलीविरुद्ध एकाएक खनिएपछि...

भटाभट बिजुली गइरहेका बेला उर्जामन्त्रीबाट आयो यस्तो निर्देशन, जनतामा खुसीयाली

कुलमान घिसिङको ठाउँमा आउने यी हुन् भाग्यमानी, ऊर्जामन्त्री पुनले बढाए प्रक्रिया

ओलीको दमन प्रचण्डले धेरै सहनु भयो, अब सहनु हुन्न : वर्षमान पुन