काठमाडौं- देशभर पछिल्लो समय विद्युत अवरोधका घटनाक्रमहरु बढी रहेका छन् । यसबीच कोरोना भाइरस (कोभिड–१९) प्रकोपका समयमा मिटर रिडिङ हुन नसकेका कारण नेपाल विद्युत् प्राधिकरणका ग्राहकलाई जरिवाना नतोक्न उर्जामन्त्री वर्षमान पुनले निर्देशन दिएका छन् । 

ऊर्जामन्त्री पुनले प्राधिकरणका कार्यकारी निर्देशक लेखनाथ कोइराला र उपकार्यकारी निर्देशक एवं ग्राहक तथा वितरण निर्देशनालयका प्रमुख हरराज न्यौपानेलाई बुधबार मन्त्रालयमा बोलाएर तत्काल जरिवाना नलाग्ने व्यवस्था मिलाउन निर्देशन दिएका हुन् । योसँगै उपभोक्ता खुसी भएका छन् र

कोरोना नियन्त्रणका लागि गरिएको लामो बन्दाबन्दीका कारण प्राधिकरणका अधिकांश ग्राहकको मिटर रिडिङ हुन सकेको थिएन। कतिपय ग्राहकबाट उक्त अवधिमा मिटर रिडिङ नभएका कारण जरिवाना लगाइएको गुनासो आएपछि मन्त्री पुनले तत्काल प्राधिकरणको उच्च नेतृत्वलाई बोलाएर जरिवाना नलगाउन निर्देशन दिएका हुन्। 

मन्त्री पुनले यसअघि जरिवाना लिइएको भए उक्त रकम ग्राहकले आगामी महिना बुझाउने शुल्कमा मिलान गर्न पनि निर्देशन दिएका छन्। ‘जरिवाना लिएको त्यो अब बुझाउने शुल्कमा मिलान गर्नुस् र जरिवाना नलिने व्यवस्था मिलाउनुस्’, मन्त्री पुनले भने। 

यो अवधिको तत्काल मिटर रिडिङ गराउन र कर्मचारी गएर रिडिङ गर्न नसेकेको अवस्थामा ग्राहक आफैंलाई मिटरको नम्बर टिपाएर शुल्क लिन पनि आग्रह गरेका छन्। 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कुलमान नियुक्तिबारे उर्जामन्त्रि पुनले दिए यस्तो जानकारी

कुलमान हटेसँगै जान थाल्यो झ्यापझ्याप बत्ती, ऊर्जामन्त्री पुनलाई आपत

ऊर्जामन्त्री पुन र शिक्षामन्त्री पोखरेल प्रधानमन्त्री ओलीविरुद्ध एकाएक खनिएपछि...

कुलमान घिसिङको ठाउँमा आउने यी हुन् भाग्यमानी, ऊर्जामन्त्री पुनले बढाए प्रक्रिया

ओलीको दमन प्रचण्डले धेरै सहनु भयो, अब सहनु हुन्न : वर्षमान पुन

'ओलीको प्रतिवेदन व्यक्तिवादी भयो, यसले पार्टी जोड्दैन'