काठमाडौं - केही दिनयता देशभर छिनछिनमा बत्ती जाने र आउने क्रम सुरु भइरहेको छ । नेपाल विद्युत प्राधिकरण कुलमान घिसिङ रहुञ्जेलसम्म त्यति धेरै समस्या थिएन, तर उनी हटेको एक साता नबित्दै काठमाडौंसहित देशका विभिन्न स्थानमा बत्ती जान थालेको छ ।

नेपाली जनताले अब फेरि लोडसेडिङ हुन थालेको हो कि भन्ने अनुमानसमेत गरेका छन् । यसरी पूर्वसूचनाविनै लामो समयसम्म बत्ती जान थालेपछि ऊर्जामन्त्री वर्षमान पुनलाई आपत परेको छ ।

मन्त्री पुनका प्रेस संयोजक दयानिधि भट्टले सामाजिक स्टाटस लेख्दै यदि त्यसरी बत्ती गए मन्त्रालय तथा मन्त्रीको निजी सचिवालयमा फोन गर्न आग्रह गरेका छन् ।

ललितपुरका केही स्थानमा बत्ती काटिने विषयमा भ्रम पर्न गएको जानकारी दिँदै उनले यस्तो समस्या अन्यत्र भएमा पनि फोन गर्न भनेका छन् । ऊर्जामन्त्रीको निजी सचिवालयबाटै यस्तो नोटिस आउनुले कुलमान घिसिङलाई पुनः नियुक्ति नगर्दाको तनाव अहिलेदेखि नै सुरु भइसकेको बुझिन्छ ।

किनभने सरकारले कानुनी छिद्र देखाउँदै घिसिङलाई कार्यकारी निर्देशक नियुक्ति गर्न नमिल्ने तर्क गर्दै आएको छ । तर, जनताले भने उनलाई नै पुनः नियुक्ति गर्न दबाब दिइरहेका छन् । कुलमानलाई नियुक्ति गर्ने विषयमा ऊर्जामन्त्री पुनसमेत सकारात्मक नभएको बताउन थालिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कुलमान नियुक्तिबारे उर्जामन्त्रि पुनले दिए यस्तो जानकारी

ऊर्जामन्त्री पुन र शिक्षामन्त्री पोखरेल प्रधानमन्त्री ओलीविरुद्ध एकाएक खनिएपछि...

भटाभट बिजुली गइरहेका बेला उर्जामन्त्रीबाट आयो यस्तो निर्देशन, जनतामा खुसीयाली

कुलमान घिसिङको ठाउँमा आउने यी हुन् भाग्यमानी, ऊर्जामन्त्री पुनले बढाए प्रक्रिया

ओलीको दमन प्रचण्डले धेरै सहनु भयो, अब सहनु हुन्न : वर्षमान पुन

'ओलीको प्रतिवेदन व्यक्तिवादी भयो, यसले पार्टी जोड्दैन'