काठमाडौं - एक क्विन्टल सुन बरामद प्रकरणमा माओवादी नेता वर्षमान पुन पनि जोडिएका छन् ।

सुन तस्करीको आरोपमा पक्राउ परेका दावा छिरिङ तामाङको माओवादी नेता पुनको परिवारसँग पारिवारिक रूपमा घनिष्ठ सबन्ध रहेको खुलेको छ। ठमेलस्थित होटल भियनाका सञ्चालकसमेत रहेका दावा छिरिङ शनिबार पक्राउ परेका हुन् ।

उनी बेल्जियमका नागरिक रहेको खुलेको छ। तर, नेपालबाट बेल्जियम पुगेर उनले त्यहीँको पासपोर्ट बनाई भिजिट भिसामा नेपाल आएको खुलेको छ ।

तिब्बतीयन मूलका दावाले सुरुमा नेपाली नागरिकता लिएर बेल्जियम पुगेर त्यहीँको पासपोर्ट बनाई एनआरएनए बनेको बुझिएको छ । उनीसँग नेपाली नागरिकतासमेत रहेको खुलेको छ।

उनले नागरिकता लिएको एक महिनापछि नै नेपाली पासपोर्टसमेत लिएको पत्ता लागेको छ। उनले विभिन्न देश जाँदा बेल्जियम र नेपालका पासपोर्ट प्रयोग गर्ने गरेका थिए।

मिडिया डबलीलाई प्राप्त एक तस्बिरमा पुन र उनकी श्रीमती ओनसरी घर्तीसँग खाना खाइरहेको देखिन्छ । तस्बिरमा पाँचजना छन् । दावा ओनसरीको छेउमै रहेर खाना आइरहेका छन् ।

बाहिर होटलबाट खाना मगाएर पुन दम्पतीसँग उनीहरूले सँगै खाना खाइरहेको देखिन्छ । दावाले एमाले नेता सर्वेन्द्र खनाल आईजीपी हुँदा पनि उनीसँग निकट सम्बन्ध बनाएका थिए ।

ठूला पार्टीका चलेका नेता र उच्च प्रहरी अधिकृतसँग बसेर तस्बिर खिचाउने र अरुलाई प्रलोभनमा पारेर तस्करी सञ्जाल विस्तार गर्न दावा माहिर मानिन्छन् ।

एक क्विन्टल सुन बरामद प्रकरणमा एमालेले गृहमन्त्री नारायणकाजी श्रेष्ठ पनि संलग्न रहेको आरोप लगाउँदै सदन अवरुद्ध गरेको छ ।

साथै, एमालेले विद्युतीय चुरोट (भेप) मा लुकाएर चिनियाँ नागरिकले ल्याएको नौ किलो सुन गायब प्रकरणमा माओवादी उपाध्यक्ष कृष्णबहादुर महरा र उनका छोरा राहुललाई अनुसन्धानको दायरामा ल्याउन दबाब दिइरहेको छ ।

वर्षमान पुन चिनियाँ नेताहरूसँग राम्रो सम्बन्ध रहेका नेता हुन् । उनको गम्भीर उपचार चीनले निःशुल्क गरिदिएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कुलमान नियुक्तिबारे उर्जामन्त्रि पुनले दिए यस्तो जानकारी

कुलमान हटेसँगै जान थाल्यो झ्यापझ्याप बत्ती, ऊर्जामन्त्री पुनलाई आपत

ऊर्जामन्त्री पुन र शिक्षामन्त्री पोखरेल प्रधानमन्त्री ओलीविरुद्ध एकाएक खनिएपछि...

भटाभट बिजुली गइरहेका बेला उर्जामन्त्रीबाट आयो यस्तो निर्देशन, जनतामा खुसीयाली

कुलमान घिसिङको ठाउँमा आउने यी हुन् भाग्यमानी, ऊर्जामन्त्री पुनले बढाए प्रक्रिया

ओलीको दमन प्रचण्डले धेरै सहनु भयो, अब सहनु हुन्न : वर्षमान पुन