काठमाडौं - प्रधानन्यायाधीश हरिकृष्ण कार्कीको डेढ महिने कार्यकाल त्यत्तिकै खेर जाने भएको छ ।

हाल सर्वोच्च अदालतको दैनिक कामकाजबाहेक अरु केही नहेरेका कार्कीले न्यायपरिषद् बैठक नराखी अब घर जाने भएका छन् ।

उनी साउन २० गते अवकाशमा जाँदै छन्। तर, उनले सर्वोच्च अदालतका ६, उच्च अदालत र जिल्लाका गरी चार दर्जन न्यायाधीश नियुक्त गर्नसमेत सकेनन् ।

कार्कीले आफू प्रधानन्यायाधीश नियुक्त भई कार्यभार सम्हालेकै बेला अदालतहरूमा न्यायाधीश नियुक्ति गर्ने बताएका थिए । त्यसका लागि न्यायाधीशको रोस्टरसमेत तयार गरेका थिए ।

तर कानुनमन्त्री धनराज गुरुङ न्यायपरिषद् बैठकमा सहभागी हुन अनिच्छुक देखिएपछि न्यायाधीश नियुक्त हुन सकेको छैन । कार्की प्रधानन्यायाधीश भएकै बेला नयाँ प्रधानन्यायाधीश नियुक्तिको सिफारिस गर्न संवैधानिक परिषद् बैठक बोलाइएको छ ।

प्रधानमन्त्री पुष्पकमल दाहाल प्रचण्डले मंगलबार बस्‍ने गरी संवैधानिक परिषद्को बैठक बोलाएका हुन्। प्रमुख सत्तारुढ नेपाली कांग्रेसका सभापति शेरबहादुर देउवा र प्रमुख प्रतिपक्षी एमालेका अध्यक्ष केपी ओलीसँग छलफल गरेपछि प्रधानमन्त्री प्रचण्डले संवैधानिक परिषद्को बैठक बोलाएका हुन्।

मंगलबार अपराह्न ४ बजे बस्‍ने गरी बोलाइएको बैठकबाट नयाँ प्रधानन्यायाधीशका लागि नाम सिफारिस गर्ने एजेन्डा रहेको बताइएको छ। नयाँ प्रधानन्यायाधीशमा वरिष्ठतम् न्यायाधीश विश्वम्भरप्रसाद श्रेष्ठको नाम सिफारिस हुने भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

हरिकृष्ण प्रधानन्यायाधीश नियुक्त हुने सम्भावना कमजोर, न्यायपरिषदले पठायो यस्तो पत्र

प्रस्तावित प्रधानन्यायाधीश कार्कीको संसदीय सुनुवाइ सुरु

डेढ महिनाका लागि प्रधानन्यायाधीशको कुर्सीमा बस्ने कार्कीको नाम अनुमोदन