काठमाडौं - उपराष्ट्रपति रामसहायप्रसाद यादवले काठमाडौंको बूढानीलकण्ठ नगरपालिका–३ मा बनाएको बुढानीलकण्ठ धर्मशाला (अतिथि गृह) को बुधबारउद्घाटन गरेका छन् ।

कार्यक्रममा बूढानीलकण्ठ मन्दिरका मठाधीश स्वामी निगमानन्द, कांग्रेस महामन्त्रीद्वय गगनकुमार थापा र प्रदीप पौडेल, काठमाडौंस्थित भारतीय दूतावासका कार्यवाहक प्रसन्न श्रीवास्तव, गुठी संस्थानका प्रमुख डा.शिवराज पण्डित, बूढानीलकण्ठ मन्दिर समितिका प्रतिनिधि, काठमाडौंस्थित भारतीय दूतावासका अधिकारीहरुको उपस्थिति थियो ।

धर्मशाला भारत सरकारको करिब पाँच करोड अनुदान सहयोगमा निर्माण गरिएको हो। नेपालको सांस्कृतिक सम्पदा क्षेत्रमा भूकम्पपश्चातको पुनर्निर्माण अनुदानअन्तर्गत आयोजना ल्याएको भारतीय दूतावासले जनाएको छ ।

२०७२ सालको भूकम्पमा क्षतिग्रस्त धर्मशाला भवन पुरातत्व विभागको आधारभूत निर्देशिका र निर्देशिकाअनुसार पुनर्निर्माण गरिएको छ ।

यो आयोजना नेपाल सरकारको सहरी विकास तथा भवन निर्माण विभागको केन्द्रीयस्तरको आयोजना कार्यान्वयन इकाईले कार्यान्वयन गरेको हो । साढे तीन तले धर्मशालाले हजारौं तीर्थयात्रीहरूलाई बूढानीलकण्ठ मन्दिरमा सेवा दिने अपेक्षा दूतावासले गरेको छ ।

धर्मशाला उदघाटन गर्दै उपराष्ट्रपति यादवले भूकम्पपछिको पुनर्निर्माणका लागि भारत सरकारले गरेको सहयोगको प्रशंसा गरे ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भारत सरकारले दिएको अक्सिजन प्लान्ट हस्तान्तरण

रूपन्देहीका बाढीपहिरोपीडितलाई ४२ लाख बराबरको राहत सामग्री वितरण

ताप्लेजुङ्गमा भारतको सहयोगमा निर्मित विद्यालय भवन उद्घाटन

भारत सरकारको अनुदान सहयोगमा उदयपुरमा विद्यालयको नयाँ भवनको शिलान्यास

भारतले दियो नेपाललाई दुई सय मिर्गौला डायलाइसिस मेसिन

भारत सरकारद्वारा सप्तरी जिल्लामा एलपीजी ग्यास, चुलो, सिलिन्डर र अन्य सामान हस्तान्तरण