काठमाडौं - लामो रस्साकस्सीपछि नेपाली कांग्रेसको भ्रातृसंस्था नेपाल तरुण दलले पूर्णता पाएको छ ।

तरुण दलको तदर्थ समितिमा चार सय सदस्य थप गरिएको छ । नेपाली कांग्रेसका सभापति शेरबहादुर देउवाले विद्वान गुरुङको अध्यक्षतामा रहको तरुण दलको तदर्थ समितिमा बुधबार राति चार सय सदस्य थप गरेका हुन् ।

सभापति देउवाले सातै प्रदेशमा गरी सदस्य थप गरेको पार्टी केन्द्रीय कार्यालयका कार्यवाहक मुख्यसचिव डा. प्रदीप पराजुलीले जारी गरेको विज्ञप्तिमा उल्लेख छ ।

पार्टीभित्रका गुट–उपगुट सबैलाई समेट्दा तरुण दलको जम्बो तदर्थ समिति बनेको छ । तीन सयभन्दा ठूलो कार्यसमिति नबनाउने भनिए पनि त्यसो हुन सकेन ।

कोसी प्रदेशबाट ७२, मधेस प्रदेशबाट ४७, बागमतीबाट एक सय आठ, गण्डकीबाट ६५, लुम्बिनीबाट ४०, कर्णालीबाट ३३ र सुदूरपश्चिमबाट ३५ जना सदस्य थपिएका छन् ।

कार्यसमितिमा पदाधिकारी नराख्ने सहमति भएको छ । यसअघि महिला संघको तदर्थ समिति र किसान संघले पूर्णता पाइसकेको छ । अब नेविसंघको कार्यसमितिले पूर्णता पाउन बाँकी छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

बाल आश्रममा फलफुल, मास्क वितरण गर्दै तरुण दलले मनायो बीपी स्मृति दिवस

तरुण दलले लोकतन्त्र बचाउन जस्तो सुकै कदम चाल्ने छ : चापागाई

तरुण दलले गर्यो वृद्धावस्था व्यवस्थापन गुठिमा फलफुल तथा स्वास्थ्य सामाग्री वितरण

स्वास्थ्यकर्मीहरूप्रति दुर्व्यवहार भएपछी तरुण दलले गर्यो यस्तो अपिल

तरुण दलले स्थापना दिवसमा शिक्षण अस्पताललाई दियो स्वास्थ्य सामाग्री

केपी ओलीविरुद्ध देशभर संयुक्त रूपले उत्रिन तरुण दलको निर्देशन