काठमाडौं - सोमबार माओवादी, एकीकृत समाजवादी, जसपा र विप्लव नेतृत्वको नेकपा मिलेर समाजवादी मोर्चाको घोषणा गरे ।

आठदलीय सत्तारुढ गठबन्धनमा रहँदारहँदै प्रधानमन्त्री पुष्पकमल दाहाल प्रचण्डले उपगठबन्धन बनाएपछि यसको व्यापक आलोचना भइरहेको छ । धेरैले यसलाई लामो समय टिक्न नसक्ने भविष्यवाणी नै गरेका छन् ।

जन्मिँदै विवादमा परेकाले पनि समाजवादी मोर्चाको भविष्य लामो समय नरहेकोमा चार दलकै नेताहरु पनि सहमत छन् । समाजवादी मोर्चा गठन साढेसाती शनि दसामा परेको ज्योतिष सुरेशचन्द्र रिजालले बताएका छन् ।

अधिकमास परेको वर्ष नेपाली राजनीतिमा सत्ता परिवर्तनको योग पर्ने गरेको भन्दै यस वर्ष पनि साउनमा अधिकमास परेकाले सत्ता परिवर्तन वा राजनीतिक दुर्घटना हुन सक्ने उनको भविष्यवाणी छ ।

०७७ असोज महिनामा अधिकमास परेको थियो, लगत्तै पुस महिनामा तत्कालीन प्रधानमन्त्री केपी ओलीले संसद् विघटन गरेका थिए । प्रचण्डको नक्षत्र सधैं विवादमा पर्ने रहेकाले उनको यो कार्यकाल पनि विवादै विवादमा बित्ने गरेको देखिएको छ ।

यसैक्रममा सोमबार मध्यराति एमाले नेता योगेश भट्टराईले प्रचण्ड–माधव नेपालको समाजवादी मोर्चालाई ‘एडल्ट क्लब’ को संज्ञा दिएका छन् । उनले समाजवादी मोर्चाको भविष्य छोटो रहेको भन्दै यसलाई एडल्ट क्लबको संज्ञा दिएका हुन् ।

योगेश विगतमा माधवकुमार नेपाल निकट नेता थिए । एमालेमा रहँदा माधवबाटै योगेशले राजनीति अघि बढाएका हुन् । तर अहिले उनले प्रचण्ड–माधवको मोर्चालाई एडल्ट क्लब भनेपछि सनसनी मच्चिएको छ ।

‘नेत्रविक्रम चन्द नेतृत्वको माओवादीदेखि उपेन्द्र यादव नेतृत्वको जसपा अनि बीचमा प्रचण्ड र माधव नेपाल । नाम समाजवादी मोर्चा । समाजवादमा पुग्ने क्रान्तिको बाटो, समाजवादी राज्यको चरित्र, क्रान्तिका मित्र र शत्रु, क्षेत्रीय र अन्तर्रास्ट्रिय शक्तिलाई हेर्ने विश्व दृष्‍टिकोण, २००७, २०४६, २०६२/६३ का क्रान्ति र तिनलाई हेर्ने दृष्‍टिकोण, आजको संविधानलाई हेर्ने दृष्‍टिकोणलगायतमा उहाँका बीचमा एकरुपता छ ? एसो हेर्दा भविष्य छोटो भएकाहरुको एडल्ट क्लब जस्तो । जहाँ इतिहासको बखान हुन्छ, तर भविष्यको कुनै सपना हुँदैन,’ योगेशले सामाजिक सञ्जालमा लेखेका छन् ।

केही दिनअघि मात्रै एमाले अध्यक्ष केपी ओलीले प्रचण्ड र माधव नेपाल पहिलेदेखि नै लिभिङ टुगेदरमा बसेको भन्दै समाजवादी मोर्चाको आवश्यकता किन भनेर प्रश्न गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

योगेश भट्टराई बोलिरहँदा बज्यो अश्लिल भिडियो

पर्यटनमन्त्रीले फेरी गरे यति ठूलो चलखेल, चौतर्फी हंगामा!

कोरोना कहरमा कम्युनिस्ट मन्त्रीले रातारात पशुपति विकास कोषमा ४३ जना कार्यकर्ता भर्ती गर्दै

नेपाल–भारत उडान सुरु गर्न योगेश भट्टराई र विनयमोहन क्वात्राबीच छलफल

योगेश भट्टराई र पार्वत गुरुङ आवश्यक परे राजीनामा दिन्छु भनेर घुर्की लगाउँछन्, तर किन दिन सक्दैनन् ?

नेकपाले योगेश भट्टराईलाई दियो ठूलो जिम्मेवारी, अरु युवा हेरेको हेर्‍यै