काठमाडौं - कोरोना कहरका बेला संस्कृति, पर्यटन तथा नागरिक उड्डयमन्त्री योगेश भट्टराई आफ्ना पार्टीका कार्यकर्तालाई जागिर खुवाउने अभियानमा लागेका छन् ।

उनको सो अभियानलाई पशुपति विकास कोषका सदस्य सचिव प्रदीप ढकाल र कार्यकारी निर्देशक घनश्याम खतिवडाले साथ दिएका हुन् । विकास कोषकै अग्रसरतामा अहिले रातारात कर्मचारी भर्ना अभियान सुरु भएको छ ।

संस्कृति, पर्यटन तथा नागरिक उड्डयन मन्त्रालयले २७ जना कर्मचारी भर्ना गर्न निर्देशन दिए पनि विकास कोषले त्यसमा १६ जना थपेर ४३ जना कर्मचारी भर्ना गर्न लागेको छ ।

अहिले कसैलाई पनि जानकारी नदिई रातारात कर्मचारी भर्ना गर्न निवेदन माग गरिएको छ । कोरोना कहरले अहिलेसम्म पशुपतिनाथ मन्दिर बन्द छ ।

नियमित आम्दानी घटेर दैनिक खर्च सञ्चालन गर्न समस्या परिरहेका बेला सत्तारुढ दलका कार्यकर्ता भर्ती अभियान अघि बढेको हो । मन्त्रालयबाट जुनसुकै हालतमा कर्मचारी भर्ना गर्न दबाब दिए पनि कोषका पदाधिकारी भने विपक्षमा छन् ।

उनीहरूले त्यसको विरोध गर्दै आएका छन् । कोषले खरिदारदेखि शाखा अधिकृतसम्मको पदमा नियुक्त गर्ने गरी दरखास्त आह्वान गरेको छ । भर्ती हुनेको निवेदन पढ्दा उनीहरू सबै पार्टीका कार्यकर्ता हुन् भन्ने प्रस्ट हुन्छ ।

किनभने यदि कोषमा काम गर्ने अवसर पाएमा कोषको नियममा रहेर सेवा गर्नेछु भन्नेबाहृेक अधिकांशको निवेदन फरक छैन । पशुपति विकास कोषमा कर्मचारी नियुक्ति र भर्नाका लागि कर्मचारी नियमावलीको मस्यौदा लोकसेवा आयोगमा पुगिसकेको छ । आयोगबाट स्वीकृत भएर आउनुअघि रातारात पार्टीका कार्यकर्ता भर्ना अभियान थालिएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

योगेश भट्टराई बोलिरहँदा बज्यो अश्लिल भिडियो

पर्यटनमन्त्रीले फेरी गरे यति ठूलो चलखेल, चौतर्फी हंगामा!

नेपाल–भारत उडान सुरु गर्न योगेश भट्टराई र विनयमोहन क्वात्राबीच छलफल

योगेश भट्टराई र पार्वत गुरुङ आवश्यक परे राजीनामा दिन्छु भनेर घुर्की लगाउँछन्, तर किन दिन सक्दैनन् ?

नेकपाले योगेश भट्टराईलाई दियो ठूलो जिम्मेवारी, अरु युवा हेरेको हेर्‍यै

केपी ओलीलाई लात्ता हानेर योगेश भट्टराई भागेपछि ...