काठमाडौं -  प्रतिनिधिसभाको बैठकमा एमाले सांसदहरूले गाईजात्रा नै देखाएका छन् । संसदमा अहिले सरकारले ल्याएको नीति तथा कार्यक्रममाथि छलफल चलिरहेको छ ।

सत्तापक्ष र प्रतिपक्षी सांसदको ध्यान नीति तथा कार्यक्रमका राम्रा र नराम्रा पक्षबारे छलफल हुनुपर्ने हो । मन नपरे, कमीकमजोरी भए संशोधन गर्न पाइने व्यवस्था छ ।

एमाले सांसदहरू छलफल विषयान्तरमा लागेका छन् । सोमबारको बैठकमा यस्तै भयो । एमाले सांसद योगेश भट्टराईले ‘जनयुद्ध’ शब्दबारे प्रश्न उठाए ।

उनले कांग्रेसले जनयुद्ध स्वीकार गरे इतिहासमा सीमित हुने चेतावनी दिए । त्यसपछि माओवादी सांसदहरू खनिन थालिहाले । संसदमा बोल्ने अधिकांश माओवादी सांसदले योगेशलाई आच्छु आच्छु पारे ।

माओवादी सांसद माधव सापकोटाले त योगेशलाई बैगुनी केटो ओलीको दास भनेर हुर्मत नै लिए । सोमबारको बैठकमा उनले नीति, कार्यक्रममा टिप्पणी गर्ने क्रममा विपक्षी दलका नेता केपी ओलीले हेडमास्टर शैलीमा पढाएको बताएका थिए। मंगलबार आफ्नो पार्टी अध्यक्ष ओलीको रक्षामा एमाले सांसद गोकुल बास्कोटा उत्रेका छन् ।

उनले माओवादी सांसद सापकोटालाई ओलीलाई हेडमास्टरको उपाधिले मात्रै नपुग्ने भन्दै जवाफ दिए । ‘हेडमास्टर भन्नुभयो, हामी आक्रोशित छैनौँ। एमाले लोकतन्त्र, राष्ट्रिय स्वाधीनता, सामाजिक न्याय सहितको परिवर्तनको, पुनर्जीवनको र राष्ट्रिय आत्मविश्वास निर्माणको विश्वविद्यालय हो, तपाईँहरूले दिएको उपाधिले पुग्दैन, उहाँ त भिसी (उपकुलपति) हो, प्रोफेसर डाक्टर हो ।’ उनले ओली अहिलेको परिवर्तनको इन्जिनियर, आर्किटेक्ट भएको दाबी गरे ।

‘उहाँ सबै हो, तपाहरूले कम्तीमा सिक्न पाउनुभएको छ। म बधाई भन्न चाहन्छु,’ बास्कोटाले भने । ओलीले नै संसदमा प्रमुख प्रतिपक्ष गतिहीन भनेर मूल्यांकन गरिरहेका बेला एमालेका सांसदहरू भने अप्रासंगिक विषय निकालेर जग हँसाइरहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

योगेश भट्टराई बोलिरहँदा बज्यो अश्लिल भिडियो

पर्यटनमन्त्रीले फेरी गरे यति ठूलो चलखेल, चौतर्फी हंगामा!

कोरोना कहरमा कम्युनिस्ट मन्त्रीले रातारात पशुपति विकास कोषमा ४३ जना कार्यकर्ता भर्ती गर्दै

नेपाल–भारत उडान सुरु गर्न योगेश भट्टराई र विनयमोहन क्वात्राबीच छलफल

योगेश भट्टराई र पार्वत गुरुङ आवश्यक परे राजीनामा दिन्छु भनेर घुर्की लगाउँछन्, तर किन दिन सक्दैनन् ?

नेकपाले योगेश भट्टराईलाई दियो ठूलो जिम्मेवारी, अरु युवा हेरेको हेर्‍यै