काठमाडौं - एमाले महासचिव शंकर पोखरेलले राष्ट्रिय स्वतन्त्र पार्टीलाई पपुलिस्ट र त्यसका नेतालाई छोएरै रोग निको पारिदिन्छु भन्ने सीमान्त गुरुसँग दाँजेका छन् ।

उनले उद्देश्यविहीन पपुलिस्ट कुरा गर्नेहरु र छोएरै उपचार गर्छु भनेर भिड जम्मा गर्ने सीमान्त गुरुबीच कुनै अन्तर नभएको बताउँदै दुवैथरी जनताको निरासको लाभ लिन खोजिरहेको उल्लेख गरेका छन् ।

पछिल्लो समय पपुलिस्ट हुन विभिन्न आश्वासन देखाएर रविहरूले भीड जम्मा गरिरहेको र सीमान्त गुरुले छोएरै दीर्घ रोग ठीक पारिदिन्छु भनेर भीड जम्मा गरिरहेको दाबी गरेका छन् ।

महासचिव पोखरेलले प्रधानमन्त्री पुष्पकमल दाहाल प्रचण्ड र नेपाली कांग्रेसका सभापति शेरबहादुर देउवाप्रति आक्रोश पोख्दै दुवैका कारण देशले दुःख पाएको आरोप लगाएका छन् ।

एमाले अध्यक्ष केपी ओलीले संसदमा तथ्यगत रूपमा आफूलाई प्रस्तुत गर्दा गफ ठान्ने जमातले नबोलीकन राष्ट्रलाई डुबाउने देउवा र खुलेआम लुट मच्चाएर शान्ति प्रक्रियाको दुहाई दिने प्रचण्डको पैरवी गरिरहेको जिकिर गरेका छन् ।

‘कहाँ चुकेको छ सरकार ? नीति तथा कार्यक्रमले के कुरालाई सम्वोधन गर्नुपर्दथ्यो भन्ने कुरामा विपक्षी दलका नेताले तथ्यगत रुपमा आफूलाई प्रस्तुत गर्दा पनि गफ ठान्ने जमातले नबोलीकन राष्ट्रलाई डुबाउने देउवा र खुलेआम लुट मच्चाएर शान्ति प्रक्रियाको दुहाई दिने प्रचण्डको पैरवी गर्नु कुनै अनौठो कुरा होइन ।

तर अर्कोतिर पुरानो होइन, नयाँ भनेर नीतिविहीन, उद्देश्यविहीन पपुलिस्ट पोलिटिक्स गर्नेहरुले ठिक र वेठिक छु्ट्याउने द्वन्द्वात्मक चेतनाबाट समाजलाई विमुख बनाइरहेका छन् ।

यसरी उद्देश्यविहीन पपुलिस्ट कुरा गर्नेहरु र छोएरै उपचार गर्छु भनेर भिड जम्मा गर्ने सीमान्त गुरुमा के अन्तर भयो र ? दुवैथरी जनताको निरासको लाभ लिन खोजिरहेका छन् ।

यस्तो अवस्थामा सत्यलाई स्थापित गर्न कठिन भयो भनेर सत्यको मार्ग छोड्नु हुँदैन,’ पोखरेलले सोमबार सामाजिक सञ्जालमा लेखेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

‘रअ’ प्रमुख भारतीय प्रधानमन्त्रीको सन्देश लिएरआएका शंकर पोखरेलको दाबी