काठमाडौं - नक्कली भुटानी शरणार्थी बनाएर अमेरिका पठाउने प्रकरणमा नेपाली कांग्रेसका प्रभावशाली नेताहरु मुछिएपछि तरंग सिर्जना भएको छ ।

कांग्रेस नेता तथा पूर्वगृहमन्त्री बालकृष्ण खाँण, उनकी श्रीमती मञ्जुसहित पार्टी सभापति शेरबहादुर देउवाकी पत्नी आरजुसमेत मुछिएपछि यो प्रकरणले पार्टीमा हलचल उत्पन्न भएको हो ।

सुरूमा अनुसन्धान प्रशासकतिर मात्रै सोझिँदा कांग्रेसका नेताहरूले घटनाको गम्भीर अनुसन्धानमा जोड दिएका थिए ।

तर विस्तारै एकपछि अर्को नेता जोडिएको आशंकायुक्त घटना बाहिर आएपछि सबैजना प्रतिक्रियाविहीन बन्न पुगेका छन् ।

जसले पार्टीमा उकुसमुकुसको अवस्था देखिएको छ । विरोध गर्दा पार्टीका नेताको विरोधमा देखिने, नगर्दा गम्भीर ठगीमा समर्थन गरेको जस्तो देखिने दोसाँधमा धेरै नेता कार्यकर्ता रहेका देखिन्छन् । यो प्रकरणमा अहिले रामेछाप कांग्रेसका नेता एवं पूर्वसांसद आङटावा शेर्पा पन मुछिएका छन् ।

व्यक्तिगत रूपमा कांग्रेस नेताहरूले नक्कली शरणार्थी प्रकरणमा जोडिने जोसुकै भए पनि कारबाही गर्नुपर्ने माग राख्दै आएका छन् ।

संसदमै पनि यो विषयलाई कांग्रेसका सांसद रामहरि खतिवडा, आरजु देउवाले सशक्त रूपमा उठाएका छन् ।

उनीहरूले अर्काको चरित्रहत्या हुने गरी समाचार सम्प्रेषण नगर्न र वास्तविकता के हो ? त्यो हेर्न माग गरेका छन् ।

सामाजिक सञ्जालमा भने कांग्रेसका अधिकांश नेता कार्यकर्ताले यो प्रकरणलाई अन्त्यसम्मै लगेर अनुसन्धान गर्न र दोषीलाई कारबाही हुनुपर्ने माग गरिरहेका छन् ।

तर एमालेका एक से एक नेताहरू र तिनका पुत्रहरू जोडिएकाले यो प्रकरण सामसुम हुने हो कि भन्ने चिन्ता छाएको छ ।

अझै एमाले सचिव टोपबहादुर रायमाझी, उपाध्यक्ष रामबहादुर थापा बादलका पुत्र प्रतीक थापा फरार छन् ।

बहालवाला सचिव टेकनाराण पाण्डे नै हिरासतमा रहेकाले घटना कहाँ पुगेर टुंगिने हो प्रस्ट छैन ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग