काठमाडौं - राप्रपा अध्यक्ष राजेन्द्र लिङ्देनले क्यान्टोनमेन्टमा भएको भ्रष्टाचारको फाइल खोल्न चुनौती दिएका छन् ।

आइतबार राप्रपाको भ्रातृसंगठन राष्ट्रिय प्रजातान्त्रिक महिला संगठनको केन्द्रीय महाधिवेशन समुदघाटन गर्दै लिङ्देनले प्रधानमन्त्री प्रचण्डलाई आफ्नो टाउकोमाथि लागेको भ्रष्टाचारको आरोप पखाल्न पनि आग्रह गरे ।

उनले नक्कली भुटानी शरणार्थी प्रकरणको जरोसम्म पुगेर छानबिन गर्नसमेत माग गरे । जबसम्म ठूला भ्रष्टाचारका फाइल खुल्दैनन् नक्कली शरणार्थी प्रकरण त्यतिकै सामसुम हुने उनको भनाइ छ ।

‘विगतका एनसेल, वाइडबडी, ललिता निवास जस्ता ठूला भ्रष्टाचारको फाइल खोल्नुस्, प्रचण्डले कति वर्ष सरकारको नेतृत्व गर्ने हो राप्रपाले समर्थन गर्छ ।

क्यान्टोनमेन्टमा भएको अनियमितता के हो ? आफूलाई चोखो छु भन्ने लाग्छ भने प्रचण्डजी, आफ्नो टाउकोमाथि लागेको आरोपबाट मुक्त हुने सामर्थ्य देखाउनुस् ।

होइन भने भ्रष्टाचारको डंगुरमाथि बसेर सुशासनको कुरा धेरै दिन टिक्दैन,’ लिङ्देनले भने । माओवादी लडाकु शिविरमा राज्यको २०औं अर्ब अनियमितता भएको तथ्य बाहिर आएको थियो ।

प्रचण्ड आफैंले पाँच हजार लडाकू भएकामा ३६ हजार बनाएको भाषण गरेका थिए । क्यान्टोनमेन्टमा साढे चार अर्बको घोटाला भएको त्यसबेला समाचार सार्वजनिक भएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

निर्मल निवास राजेन्द्रतिर लागेपछि कमल थापालाई बज्रपात

राजेन्द्र लिङ्देन र रवीन्द्र मिश्रबीच को बढी राजावादी बन्ने प्रतिस्पर्धा

संसदकै सबैभन्दा सानो दल राप्रपामा गाईजात्रा, लाजले भुतुक्कै भए कार्यकर्ता !

आफूलाई सय क्विन्टलको ढक भनेर फुइँ हाँक्ने ओली चुनावमा बढारिने डरले स–साना दलसँग गठबन्धन

राजेन्द्र लिङ्देनले रेखा थापा च्यापेपछि महामन्त्री कुन्ती शाही फायर

उपेन्द्र यादव र राजेन्द्र लिङ्देनको पार्टीमा राम्रा नेता भेटिएनन्, श्रीमान्–श्रीमती नै मेयर र उपमेयरका उम्मेदवार