काठमाडौं - नेपालको राजनीतिमा गज्जब गज्जबका दृश्य देख्न पाइन्छ । अझ त्यसमा पनि साना दलका नेताहरूको हर्कत देख्दा सबैले लाज मान्नुपर्ने अवस्था छ । चाहे त्यो जसपा होस् वा लोसपा वा राप्रपा नै किन नहोस् ।

नेपालमा संगठित सदस्य धेरै भएको पार्टीमा नेपाली कांग्रेस, एमाले र माओवादी केन्द्र हो । एकीकृत समाजवादी भर्खर गठन भएकाले यसको संगठित सदस्यको विवरण भने बाहिर आइसकेको छैन ।

कांग्रेसको साढे नौ लाख क्रियाशील सदस्य छन् । एमालेले आफ्नो पूर्णकालीन सदस्यको संख्या सात लाखभन्दा बढी रहेको जनाएको छ ।

माओवादीले पनि आफ्नो पूर्णकालीन सदस्यको संख्या पाँच लाखभन्दा बढी रहेको दाबी गर्दै आएको छ । लाखौं सक्रिय सदस्य रहेको पार्टीमा एक–एकजना मात्र प्रवक्ता छन् ।

अझ देशकै सबैभन्दा ठूलो पार्टी नेपाली कांग्रेसले त अहिलेसम्म प्रवक्तासमेत मनोनयन गर्न सकेको छैन । एमाले, माओवादी र एकीकृत समाजवादीको एक–एकजना पप्रवक्ता छन् ।

तर, पूर्वपञ्चहरूको पार्टी राप्रपामा भने गाईजात्रा देखिएको छ । कमल थापाले आफू अध्यक्षमा हारेको इगोले पार्टी नै विभाजन गर्न लागिरहेको राप्रपामा चार–चारजना प्रवक्ता छन् । सहप्रवक्ता नै तीनजना छन् ।

अध्यक्ष राजेन्द्र लिङ्देनले आइतबार चारजनालाई पार्टी प्रवक्ता र तीनजनालाई सहप्रवक्ता मनोनयन गरेका छन् । प्रवक्ता मनोनयन हुनेमा भक्तिप्रसाद सिटौला, मोहन श्रेष्ठ, सगुनसुन्दर लावती र गोपाल दाहाल छन् ।

सहायक प्रवक्तामा प्रवीणकुमार थोकर तामाङ, दिनेशकुमार साह र पूणंबहादुर चन्द छन् । यिनीहरू सबै पार्टीभित्र पनि गुटका नेताका प्रवक्ता र सहप्रवक्ता भएको नेताहरू बताउँछन् ।

कतिसम्म भने राप्रपामा पाँचजना त महामन्त्री नै छन् । दुईजना महाधिवेशनबाट निर्वाचित र तीनजना मनोनीत महामन्त्री हुनेछन् । अहिलेसम्म धवलशमशेर राणा, कुन्तिकुमारी शाही, राजेन्द्र गुरुङ रप्रहलादप्रसाद साह महामन्त्री बनेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

निर्मल निवास राजेन्द्रतिर लागेपछि कमल थापालाई बज्रपात

राजेन्द्र लिङ्देन र रवीन्द्र मिश्रबीच को बढी राजावादी बन्ने प्रतिस्पर्धा

आफूलाई सय क्विन्टलको ढक भनेर फुइँ हाँक्ने ओली चुनावमा बढारिने डरले स–साना दलसँग गठबन्धन

राजेन्द्र लिङ्देनले रेखा थापा च्यापेपछि महामन्त्री कुन्ती शाही फायर

उपेन्द्र यादव र राजेन्द्र लिङ्देनको पार्टीमा राम्रा नेता भेटिएनन्, श्रीमान्–श्रीमती नै मेयर र उपमेयरका उम्मेदवार

राप्रपाका चार नेताले गरे पार्टी परित्याग, लिङ्देनलाई धक्का