वाशिङ्टन - संयुक्त राज्य अमेरिका र संयुक्त अधिराज्य बेलायतलगायत धेरै पश्चिमी राष्ट्रहरूले चिनियाँ प्रहरीले विदेशी भूमिमा चीनबा भागेर गएकाहरुला पछ्याउने र यी स्टेशनहरूलाई अतिरिक्त कूटनीतिक कार्यमा संलग्न हुनका लागि विदेशमा दर्जनौं 'सर्भिस स्टेशनहरू' स्थापना गर्ने 'षड्यन्त्र' पर्दाफास गरेका छन्।

एक मानव अधिकारवादी समूह सेफगार्ड डिफेन्डर्सले युरोप र संयुक्त राज्य अमेरिकासहित ५३ देशहरुमा १०२ कूटनीतिक प्रोटोकल उल्लंघन गर्ने स्टेशनहरु रहेको बताइएको छ। 

चिनियाँ प्रहरीले पश्चिमी देशहरूमा चिनियाँ बिचौलियाहरूमार्फत काम गर्ने चिनियाँ नागरिकलाई उनीहरूको सरकारले चीन फर्काउन खोजेको आरोप लगाइएको छ। उनीहरूले कथित रूपमा एउटा प्रविधि प्रयोग गर्छन्, जसलाई चीनले क्वान्फान भन्‍ने गरेको छ। यो चीनमा रहेका आफन्तहरूलाई दबाब दिनेदेखि लिएर उनीहरू बस्ने देशहरूमा संदिग्धहरूलाई धम्की दिन गुण्डाहरू तैनाथ गर्ने उपायहरूका लागि प्रेयोग गरिने कोड भाषा हो।

सन् २०१२ मा सी जिनपिङले चीनको नेतृत्व सम्हालेदेखि क्वानफानको प्रयोग बढेको बताइएको छ। सीको भ्रष्टाचार विरुद्धको युद्धको साथ, चिनियाँ प्रहरीले आफ्नो ध्यान विदेशतिर केन्द्रित गरेको छ, जहाँ हजारौं भ्रष्ट अधिकारीहरू विदेश पलायन भएका छन्। दोस्रो, विचौलियाहरूले शंकास्पद व्यक्तिहरूलाई विमानमा चढेर चीन फर्काइदिन्छन्, जसलाई चिनियाँ अधिकारीहरूले विदेशी प्रहरीको सहयोग लिनुभन्दा सजिलो ठान्छन्। 

यस प्रक्रियामा चिनियाँहरूले कथित रूपमा सार्वभौम अधिकारको उल्लंघन गरेको कुरा उनीहरूलाई चासोको विषय होइन र पश्चिमले विरोध गरिरहेको छ। समूहले आफ्नो जानकारी चीनमा प्रसारित रिपोर्टहरूमा आधारित छ, जसमा राज्यको स्वामित्वमा रहेका मिडिया र स्थानीय सरकारहरूको वेबसाइटहरू समावेश छन्। 

उनीहरूले जियाङ्सु, झेजियाङ र फुजियान प्रान्तका तीन नगरपालिका र एउटा काउन्टीमा प्रहरीले सन् २०१६ देखि विदेशमा सर्भिस स्टेसनहरू कसरी खोलेका छन् भनेर वर्णन गरेका छन्। चीनले सन् २०१४ मा अपरेसन फक्स हन्ट शीर्षकमा संसारभरि रहेका चिनियाँहरूलाई स्वदेश फिर्ता गर्न अपरेसन सुरु गरेको थियो। यसलाई अपरेशन स्काई नेट पनि भनिन्छ। रिपोर्टका अनुसार नेटले आर्थिक अपराधमा संलग्न व्यक्तिहरूलाई ट्र्याक गर्छ।

रिपोर्टहरूका अनुसार सम्बन्धित देशका जातीय-चिनियाँ बासिन्दाहरूद्वारा सञ्चालित छन् र चिनियाँ अधिकारीहरूसँग विवाह दर्ता र चिनियाँ ड्राइभिङ लाइसेन्स नवीकरण जस्ता कागजी कार्यहरूमा चिनियाँहरूलाई विदेशमा मद्दत गर्ने गरेका छन्। राजधानी फुझाउमा प्रहरीले यो सूची जारी गरेको जनाएको छ, जसले गत वर्ष जनवरीमा यी विदेशी सेवाहरूको घोषणा गर्न पत्रकार सम्मेलन गरेको थियो।

पश्चिमी सरकारहरूले यी स्टेशनहरू कत्तिको कानुनी छन् र उनीहरूले आयोजक देशहरूको कति कानून उल्लंघन गरेका छन् भन्‍ने विषयमा थप अध्ययन भइरहेको जनाएका छन्। यी स्टेशनहरूको प्राथमिक उद्देश्य, सामाजिक सम्झौताहरू उल्लंघन गर्नु बाहेक, चिनियाँ अधिकारीहरूले चाहेका वा निशानामा परेको व्यक्ति धम्की दिने र आफू अनुकूल काम गराउने रहेको छ। 

द इकोनोमिस्ट लगायत शीर्ष मिडिया संगठनहरूले सेफगार्ड डिफेन्डरहरूको जानकारीमा रिपोर्ट गरेका छन्। समूहले चीनको मिडियामा रिपोर्टहरू फेला पारेको छ कि युरोपका तीन स्टेशनहरू - बेलग्रेड, म्याड्रिड र पेरिसमा - संदिग्धहरूलाई चीन फर्कन मनाउने प्रयास भइरहेको रिपोर्टहरु आइरहेका छन्। 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अमेरिकाले चिनियाँ अधिकारीमाथि लगाएको प्रतिबन्धको निर्वासित तिब्बतीहरुद्वारा स्वागत

चिनियाँ अधिकारीद्वारा ५९ तिब्बतीयन परिवारलाई बलपूर्वक स्थानान्तरण

कुनै समयको आक्रामक चीन अहिले 'अपिजर'

नेपाल र श्रीलन्कामा चीनले हस्तक्षेप बढायो : अमेरिका

 बाढीले रुवायो चिनियाँ किसान, खाद्यान्‍नको मूल्य बढ्ने चिन्ता 

मंगोलियास्थित चिनियाँ दूतावासअघि प्रदर्शन, ३० प्रदर्शनकारी प्रकाउ