काठमाडौं - एमाले उपाध्यक्ष विष्णु पौडेल र महासचिव शंकर पौडेलबीच हाल हार्दिक सम्बन्ध नरहेको देखिएको छ ।

मंसिरको निर्वाचनमा दाङबाट प्रतिनिधिसभा निर्वाचनमा माओवादी उम्मेदवार रेखा शर्मासँग पराजित भएपछि पोखरेल पौडेलसँग असन्तुष्ट छन् ।

थोरै मतले हार्नुमा पार्टीकै नेता कार्यकर्ताको असहयोगले हो भन्ने निष्कर्षमा पोखरेल पुगेका छन् । त्यही भएर पार्टीको औपचारिक मिटिङबाहेक दुवैको भेटघाट र कुराकानी हुन छाडेको एमाले नेताहरू नै बताउँछन् ।

आफू हार्नुमा उपाध्यक्ष पौडेलको असहयोग रहेको पोखरेलले निकट नेताहरूसँग गुनासो गर्दै आएका छन् । पोखरेल लुम्बिनी प्रदेशको मुख्यमन्त्री भएपछि प्रदेश राजधानी दाङ सार्ने निर्णय गरेका थिए । पौडेल बुटवलमै लुम्बिनी प्रदेशको स्थायी राजधानी होस् भन्ने चाहन्थे ।

यही कारण पोखरेल र पौडेलबीच ‘क्लास’ चलेको बताइन्छ । पोखरेलले दाङको देउखुरी उपत्यकामा स्थायी राजधानी सार्ने निर्णय गराएपछि पौडेलसहित कांग्रेसका नेताहरू पनि आक्रोशित भएका थिए । अहिले पोखरेल र पौडेलबीच भविष्यमा पार्टीको नेतृत्व लिने होड चलेको छ ।

एमालेको अर्को महाधिवेशनमा केपी ओली अध्यक्ष उठ्न नमिल्ने भएकाले अहिलेदेखि नै पोखरेल र पौडेलबीच प्रतिस्पर्धा सुरु भएको छ । तर पोखरेलले भने पौडेलसँग आफ्नो कुनै मतभेद नरहेको प्रस्टीकरण दिएका छन् ।

लुम्बिनीमा आयोजित एमालेको ‘ग्रासरुट’ अभियानमा सम्बोधन गर्दै पोखरेलले उपाध्यक्ष पौडेलसँग मतभेद नरहेको प्रस्टीकरण दिएका हुन् । पार्टी पंक्तिमै दुई नेताबीच हार्दिक सम्बन्ध नरहेको गाइँगुइँपछि पोखरेल प्रस्टीकरण दिन बाध्य भएका हुन् ।

यदि पौडेलसँग टसल देखिएमा अर्को निर्वाचन जित्नु पनि पोखरेलका लागि फलामको चिउरा हुने बताइन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

‘रअ’ प्रमुख भारतीय प्रधानमन्त्रीको सन्देश लिएरआएका शंकर पोखरेलको दाबी