काठमाडौं- तनहुँ १ मा गठबन्धनको साझा उम्मेदवार गोविन्द भट्टराईलाई भोट माग्न तीन दलका शीर्ष नेता डुम्रे जाने भएका छन् । सत्तारुढ गठबन्धनले तनहुँको डुम्रेमा बुधबार चुनावी सभा आयोजना गर्ने भएको छ । 

चुनावी सभामा प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, एकीकृत समाजवादीका अध्यक्ष माधवकुमार नेपाल, कांग्रेसका महामन्त्रीद्वय गगनकुमार थापा र विश्वप्रकाश शर्मालगायतले सम्बोधन गर्ने कार्यक्रम छ ।

बारा २ मा गठबन्धनका साझा उम्मेदवार जसपाका अध्यक्ष उपेन्द्र यादव छन् । चितवन २ मा कांग्रेसका जितनारायण श्रेष्ठ र तनहुँ १ मा कांग्रेसकै गोविन्द भट्टराई उम्मेदवार बनेका छन् । माओवादीले महासचिव देव गुरुङ र एकीकृत समाजवादीले किसान श्रेष्ठलाई तनहुँ १ मा चुनावी कमान्डर तोकेका छन् । कांग्रेसले महामन्त्री थापालाई कमान्डर बनाएको छ ।

आज आँबखैरेनीमा गठबन्धनको चुनावी सभा छ । जहाँ कांग्रेसका महामन्त्रीद्वय गगन थापा र विश्वप्रकाश शर्मा तथा माओवादी महासचिव देव गुरुङले सम्बोधन गर्ने कार्यक्रम छ । राष्ट्रपति रामचन्द्र पौडेलको चुनावी क्षेत्र भएकाले पनि तनहुँ १ मा कांग्रेसले आफ्नो सम्पूर्ण शक्ति लगाएको छ । कांग्रेसलाई गठबन्धनका माओवादी र एकीकृत समाजवादीले कसिलो साथ दिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रामचन्द्रको क्षेत्रमा गोविन्द भट्टराई उम्मेदवार, देउवाले दिए जितको शुभकामना  

तनहुँ–१ मा कांग्रेसले गोविन्द भट्टराईलाई उम्मेदवार बनाउने 

तनहुँ–२ मा भट्टराईलाई उम्मेदवार बनाउने कांग्रेसको निर्णय

गोविन्द भट्टराईले गराए उम्मेदवारी दर्ता 

गोविन्द भट्टराईलाई सघाउने पाँच दलको निर्णय

स्वर्णिम वाग्लेले गोविन्द भट्टराई बारे फैलाए अपवाह, झुटैझुट बोल्न थाले