काठमाडौं- आफूलाई विश्वकै नामुद अर्थशास्त्री कहलाउने स्वर्णिम वाग्ले अहिले तनहुँ १ बाट चुनाव लडिरहेका छन् । पहिलेदेखि नै रहस्यमयी चरित्र भएको वाग्लेको वास्तविक असलियत बारे धेरै मानिस जानकार छैनन् । विश्व बैंक वा संयुक्त राष्ट्रसंघको कार्यालयमा कार्यरत रहेर नेपाल फर्केको भन्ने मात्र सबैलाई थाहा छ । 

नेपाली कांग्रेसको सरकार हुँदा प्रधानमन्त्री शेरबहादुर देउवाले वाग्लेलाई राष्ट्रिय योजना आयोगको सदस्य र उपाध्यक्ष बनाएका थिए । तर सांसद बन्ने तीव्र मोहका कारण कांग्रेसलाई लात हानेर रवि लामिछानेको पार्टीमा प्रवेश गरेका वाग्लेको वास्तविक अनुहार वरिष्ठ पत्रकार विन्दुकान्त घिमिरेले उजागर गरेका छन् । लमजुङका पत्रकार तीन दशकदेखि काठमाडौंमा बसेर पत्रकारिता गरिरहेका छन् । नेपाली कांग्रेसका प्रायः सबै नेताको चरित्र र हैसियत बुझेका घिमिरेले आइतबार बिहान फेसबुकमा वाग्लेलाई नौवटा प्रश्न सोधेका छन् ।

घिमिरेका प्रश्न यस्ता गम्भीर र संवेदनशील छन्, जो विश्लेषण गर्दा उनी कतैबाट प्लान्टेड व्यक्ति भएको सजिलै थाहा हुन्छ । करोडौंपति वाग्ले अहिले चन्दा उठाएर चुनाव लड्दै गरेको नाटक गरिरहेका छन् । घिमिरेले वाग्लेलाई सोधेको नौ प्रश्न यस्ता छन्ः

१. तपाईसँग अमेरिकन ग्रिन कार्ड छ कि छैन ? छैन भने कहिले त्याग्नु भयो ?

२. तपाईले आफ्नी श्रीमती र छोरालाई नेपाली नागरिकता किन नदिलाउनु भएको ?

३. बलियो नेपाल भन्ने संस्थाबाट बिल एण्ड मृलिन्दा गेट्स् फाउण्डेशनको नौ करोड रुपैयाँ हिनामिना भएको आरोप छ, यसमा तपाईको के छ स्पष्टीकरण ?

४. तपाईले भियतनामको कुख्यात भ्रष्टाचारी कम्युनिष्ट नेताको छोरी विवाह गर्नु भएको रहेछ, त्यता ससुराको सम्पत्ति गैरकानुनी रुपमा नेपाल भित्राउनु भएको छ भन्ने पनि आरोप छ, यसमा तपाईको धारणा के छ ?

५. तपाई र तपाईकी श्रीमती डलरमा आम्दानी गर्ने मान्छे, गरिवको कोटामा युलेन्स स्कुलमा आफू योजना आयोगको उपाध्यक्ष हुँदा छोरालाई पूर्ण छात्रबृत्तिमा पढाउनुभएको रहेछ नि ? गरिवको नाममा तपाईको छोराले कसरी अवसर पायो ?

६. तपाईको बुबाको नाममा रहेको चितवन टाँडीको युनिक स्कुललाई बुद्ध एयरका मालिक वीरेन्द्रबहादुर बस्नेतलाई तपाईले थर्काएर कर्पोरेट सामाजिक उत्तरदायित्व कोषमार्फत एक करोड लिनु भएको रहेछ नि ? तपाईको निजी स्कुल कसरी सामाजिक उत्तरदायित्वको पैसा लिन मिल्छ ?

७. तपाईले आर्थिक पारदर्शिताको कुरा गर्नु हुन्छ, अहिलेसम्म कुन ठाउँमा जागिर खाँदा कति तलव थियो, कति आम्दानी भयो र तपाईको नेपाल, भियतनाम र अमेरिकामा कहाँ कति सम्पत्ति छ भन्ने किन देखाउनु हुँदैन ?

८. तपाई र तपाईको श्रीमती दुवै डलरमा आम्दानी गर्ने अनि चुनाव खर्च जनतासँग चन्दा उठाउने ? यो कहाँको आर्थिक पारदर्शिता हो ?

९.  शशिकान्त अग्रवाललगायत माडवारी व्यापारीसँग तपाईले नियमित चन्दा लिनुहुन्छ भन्न आरोप छ नि ?

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भ्रष्टाचारविरुद्ध लेख्ने पत्रकारलाई २५ लाखको पुरस्कार

वाग्लेले लामो स्टाटस लेख्दै गरे कांग्रेसबाट अलग भएको घोषणा

विदेशमा पेन्सन पकाएर आएका स्वर्णिम चुनाव लड्न ३१ लाख चन्दा उठाउँदै

स्वर्णिम वाग्लेले गोविन्द भट्टराई बारे फैलाए अपवाह, झुटैझुट बोल्न थाले

स्वर्णिमलाई चिवनबाट चुनाव लड्न आग्रह गरेको थिएँ, मानेनन्ः कोइराला  

तनहुँमा हार देखेपछि वाग्ले एमालेको शरणमा, गरे यस्तो सहमति