काठमाडौं - रवि लामिछाने नागरिकताको प्रमाणपत्र लिन आइतबार जिल्ला प्रशासन कार्यालय काठमाडौं जाने भएका छन् । उनले स्थानीय प्रशासनसँग समन्वय गरेर नागरिकता लिने तयारी गरेको बुझिएको छ ।

लामिछानेविरुद्धको नागरिकता विवादको मुद्दामा सर्वोच्च अदालतले उनको सांसद पद खारेज गर्ने फैसला गरेको हो । कामु प्रधानन्यायाधीश हरिकृष्ण कार्की, न्यायाधीश विश्वम्भरप्रसाद श्रेष्ठ, ईश्वरप्रसाद खतिवडा, डा.आनन्दमोहन भट्टराई, अनिल कुमार सिन्हाको संवैधानिक इजलासलले यस्तो आदेश दिएको हो । लामिछानेको सांसद पद र गृहमन्त्री दुबै पद खारेज भएको छ ।

चितवन २ बाट प्रतिनिधिसभा सदस्यमा निर्वाचित लामिछाने पुस ११ गते उपप्रधानसहित गृहमन्त्रीमा नियुक्त भएका थिए । उनले अंगीकृत र वंशज कुन नागरिकता पाउने भन्ने खुलेको छैन । यद्यपि उनीसँग नेपाली र अमेरिकी दुईवटा पासपोर्ट बोकेका छन् ।

एकैपटक दुईवटा पासपोर्ट बोकेकोमा उनीविरुद्ध फौजदारी मुद्दा लाग्ने देखिएको छ । तर, आफू गृहमन्त्री भएपछि उनले प्रहरीलाई राहदानीविरुद्धको अनुसन्धान र छानबिनमा रोक लगाएका छन् । उनीविरुद्ध चाँडै सर्वोच्च अदालतमा दुईवटा राहदानी बोकेकोमा मुद्दा पर्ने बताइएको छ ।

एकैपटक उनले दुईवटा राहदानी प्रयोग गरेको पुष्टि भइसकेको छ । यदि अदालतमा मुद्दा परेमा उनीमाथि एकदेखि तीन वर्षसम्म कैद सजाय हुने निश्चित छ । तर लामिछानेलाई हतारहतार नागरिकता लिएर आजै मन्त्री नियुक्ति गर्ने तयारी भइरहेको छ ।

स्रोतका अनुसार बिहीबार एमाले अध्यक्ष केपी ओली निवास बालकोटमा मध्यरातिसम्म बसेको बैठकमा यस्तो तयारी भएको हो । त्यसदिन राति ओलीसँग लामिछानेको गम्भीर बैठक चलेको थियो । कानुन व्यवसायीसमेतलाई राखेर गरिएको बैठकमा अदालतबाट कस्तो फैसला आउँदैछ भन्ने पूर्वभास ओली र लामिछानेलाई थियो ।

त्यही भएर अदालतको फैसलापछि एमाले नेताहरूले यसलाई ठूलो घटनाको रूपमा नलिन र लामिछाने पुनः मन्त्री नियुक्त हुने बताउँदै आएका थिए । यदि लामिछानेले आज नागरिकता लिएमा उनलाई मन्त्री नियुक्त गरी साँझ ४ बजे शपथ खुवाउने भित्री तयारी भएको स्रोतले बतायो ।

यदि लामिछाने फेरि मन्त्री बनेमा ६ महिनासम्म हुन पाउने र त्यसबीचमा चितवन २ मा उपनिर्वाचन गराउने एमाले अध्यक्ष ओलीको रणनीति छ । किनभने राष्ट्रिय स्वतन्त्र पार्टीलाई सँगै लिएर नगए प्रधानमन्त्री पुष्पकमल दाहाल प्रचण्डले जुनसुकै बेला कांग्रेसँग मिलेर सरकार चलाउने भय ओलीमा देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गृहमन्त्री लामिछानेको सांसद पद रहने कि नरहने भन्ने टुंगो पुस २२ मा लाग्ने

एमालेका ‘फरार’ सांसद महतो सँगै भोट हालेर हिँडेपछि रवि लामिछानेको अर्को नौटंकी

माघ ११ गते रविलाई ठूलो खड्गो, अमेरिकी नागरिक नै रहेको फैसला आउने सम्भावना अधिक

रवि लामिछानेका नेतालाई संसद् सिकाइभन्दा सत्ता भोगाइको हतार

सर्वोच्चमा रविबारे गर्मागरम बहस, कसले के भने? 

दोहोरो पासपोर्ट कसुरमा रविलाई तीन वर्षसम्म जेल सजाय हुन सक्ने