काठमाडौं - रौतहट–२ का स्वतन्त्र सांसद किरणकुमार साह एमाले प्रवेश गरेका छन् । सोमबार साँझ बालकोटमा अध्यक्ष केपी ओलीले साहलाई एमाले प्रवेश गराएका हुन् ।

साहलाई पार्टी प्रवेश गराउने कार्यक्रममा अर्थमन्त्री विष्णु पौडेल, अजयकुमार गुप्ता, राजकिशोर यादव, शेख फजिले हकलगायत उपस्थिति थिए । गत ४ मंसिरमा सम्पन्न प्रतिनिधिसभाको निर्वाचनमा स्वतन्त्र उम्मेदवार साह तत्कालीन सात गठबन्धनका उम्मेदवार तथा पूर्वमन्त्री मोहम्मद अफताव आलमका छोरा फिर्दोस आलमलाई झन्डै सात हजार मतको अन्तरले पराजित गरी विजयी भएका थिए ।

०७७ मा जसपा परित्याग गरी एमालेमा प्रवेश गरेका उनी गत निर्वाचनमा क्षेत्र २ मा एमाले जसपा गठबन्धनबाट जसपाका उम्मेदवार शैलेन्द्र साहले प्रतिनिधिसभा सदस्यको टिकट पाएपछि एमाले छाडेर स्वतन्त्र उम्मेदवारी दिएका थिए ।

यसपटक निर्वाचनमा उनलाई रौतहट ३ का सांसद प्रभु साहले निकै ठूलो सहयोग गरेका थिए । प्रभु एमाले छाडेर स्वतन्त्र उम्मेदवार बनेका थिए । रौतहटमा प्रभु साहलै लहरले किरण साहले चुनाव जितेका थिए ।

प्रभु साहले आम जनता पार्टी खोलेलगत्तै किरण पुरानो पार्टी एमाले प्रवेश गरेका हुन् । चुनावताका किरणले प्रभुलाई आफूले साथ दिने बताएका थिए । तर चुनाव जितेपछि उनी प्रभु साहसँग टाढिँदै गए । किरण एमाले प्रवेश गरेसँगै रौतहटमा एउटा सांसद थपिएको छ । मधेस प्रदेशमा एमाले पहिलो दल बनेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीको शाहीमन्त्री बन्न प्रभु साहले यतिसम्म गरे

नेपाल देशलाई प्रचण्डमुक्त बनाउने यी पूर्व माओवादी नेताको घोषणा

विद्या भण्डारीलाई खुसी पार्न यी मन्त्रीले हाने किसानको पेटमा लात ! गाउँभर रुवाबासी

प्रचण्डले मेरा मतदातालाई अपमान गर्ने अपराध गरे : मन्त्री साह

माओवादी छाडेका प्रभू साहलाई एमालेमा पहिलो झड्का, भूगोलको पदबाट ‘आउट’

सर्वाेच्च अदालतले मन्त्री पद खुस्काइदिएपछि प्रभु साहको यस्तो प्रतिक्रिया