काठमाडौं - शंकर पोखरेल एमालेको महासचिव । अध्यक्ष केपी ओलीको उत्तराधिकारी । पार्टी सञ्चालनमा हर्ताकर्ता । एमाले नेता कार्यकर्ता पोखरेलमा मदन भण्डारीको छायाँ देख्छन् । त्यही भएर राष्ट्रपति विद्यादेवी भण्डारीले समेत उनीप्रति धेरै सदभाव राख्छिन् ।

तर, एमालेइतरमा भने शंकर पोखरेलको छवि राम्रो छैन । जसरी दोस्रो पुस्ताका नेता, त्यसमा पनि पार्टी चलाउने हैसियतमा रहेका नेता अरु पार्टीका नेता कार्यकर्ताको रुचिमा पनि पर्नुपर्ने हो त्यो शंकर पोखरेलमा देखिएन । यसपटक उनी दाङ २ बाट माओवादीकी रेखा शर्मासँग पराजित हुँदा कसैले ज्या समेत भनेनन् ।

अर्थात् एमालेका एकाधबाहेक कसैले पनि उनीप्रति सहानुभूति राखेको पाइएन । शंकर पोखरेल महासचिव नभइञ्जेल त्यति विवादमा परेका थिएनन् । तर जब उनले केपी ओलीको हरेक गलत कदमलाई साथ दिँदै गए, अन्ध समर्थक बने त्यसबेलादेखि शंकरले आफ्ना अनुयायी र शुभेच्छुक गुमाउँदै गएका हुन् ।

यसपटक उनी चुनाव हार्नुको मुख्य कारण उनको रुखो बोली हो । ओलीको भक्तिगान हो । यदि नेकपाकालमै उनले ओलीलाई गलत कदम नचाल्न रोक्न सकेको भए, संसद् विघटन गर्न नदेको भए अहिले उनी एमालेमा सर्वस्वीकार्य नेता बन्थे । तर परिस्थिति अर्कै देखिएको छ ।

अबको पाँच वर्षसम्म उनी सरकार सञ्चालन गर्ने ठाउँमा पुग्न सक्दैनन् । मुख्यमन्त्री बन्दा पनि लकडका भरमा चलाएकाले उनी विवादित बनेका थिए । त्यसमाथि एमालेमा अब विष्णु पौडेलको वर्चस्व बढ्ने देखिएको छ । पाँच वर्ष भनेको थोरै समय होइन ।

ओलीले अर्को चुनाव पनि ताकेकाले शंकर पोखरेलले यो जुनीमा प्रधानमन्त्रीको पालो नपाउने भएको छ । आफ्नै कर्मका कारण हारेका पोखरेलले अहिले स्याङ्जा २ र बाजुरामा सत्तापक्षले सेटिङ मिलाएर गरेको नांगो धाँधली गरेको र निर्वाचन आयोगले वैधता प्रदान गरेको आरोप लगाएका छन् ।

जबकि आयोगका प्रमुख आयुक्त उनकै पार्टीका कार्यकर्ता हुन् । यदि कांग्रेसले सेटिङ गर्न सकेको भए सुवास नेम्वाङ, गोकुल बास्कोटा, विष्णु पौडेल, योगेश भट्टराई कोही पनि चुनाव जितेर आउन सक्ने थिएनन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

‘रअ’ प्रमुख भारतीय प्रधानमन्त्रीको सन्देश लिएरआएका शंकर पोखरेलको दाबी