काठमाडौं - प्रदीप पौडेल विद्यार्थीका आन्दोलनबाटै खारिएका परिवर्तनकारी युवा नेता हुन् । विवादमा नमुछिएका । शालीन, मिलनसार र बौद्धिक नेताको छवि बनाएका पौडेल काठमाडौं ५ बाट उम्मेदवार बनेका छन् ।

०५३ मै अस्कल क्याम्पसमा स्ववियु सभापति भइसकेका उनले नेविसंघको कुशल नेतृत्व पनि गरिसकेका छन्  । योपटक भ्रष्टाचार नियन्त्रणलाई प्रमुख एजेन्डा बनाएर काठमाडौं ५ बाट चुनावी मैदानमा उत्रिएका उनले निर्वाचित भएपछि नागरिक पर्यवेक्षण समितिमार्फत सांसदको प्रतिबद्धताको निगरानी गर्नेलगायतका एजेन्डा अगाडि सारेर नयाँ तरिकाले संसदीय भूमिका प्रभावकारी बनाउने योजना बनाएका छन् । 

कांग्रेसको १४औँ महाधिवेशनमा महामन्त्रीमा प्रतिस्पर्धा गरेका पौडेल तेस्रोपटक पार्टी केन्द्रीय सदस्यका रूपमा छन् । स्नातकोत्तरसम्मको अध्ययन गरेका उनी पार्टीको नेतृत्व हाँक्न सक्ने सीमित युवा नेताका रुपमा पनि चिनिन्छन् । अघिल्लो निर्वाचनमा जित हासिल गरेका एमाले वरिष्ठ उपाध्यक्ष ईश्वर पोखरेल काठमाडौं ५ मा पौडेलको प्रतिस्पर्धी छन् । गठबन्धनको साथ रहेकाले सहज जित रहेको पौडेल बताउँछन् ।

अघिल्लो निर्वाचनमा यो क्षेत्रमा कांग्रेस प्रवक्ता डा.प्रकाशशरण महत एमालेका पोखरेलसँग पराजित भएका थिए । त्यही भएर यो क्षेत्रमा कोही उम्मेदवार बन्न चाहेका थिएनन् । तर, कांग्रेसले विश्वास गरेर पौडेललाई टिकट दियो । जुन दिनदेखि पौडेलले उम्मेदवारी मनोनयन दर्ता गरे, त्यसदिनदेखि नै काठमाडौं ५ को माहोल फेरिएको छ । यो क्षेत्रमा स्वतन्त्र उम्मेदवारहरू पनि धेरै छन् । तर, प्रदीप पौडेलका अघि उनीहरू फिका देखिएका छन् ।

यसपटकको निर्वाचनमा नो नट अगेनको नारा चलेको छ । यो अभियानमा एमालेका विवादास्पद नेता पोखरेल पनि पर्छन् । छोटो समयमै अकूत सम्पत्ति जोडेको, पटकपटक सरकारमा रहँदा भ्रष्टाचारमा मुछिएको, एमालेकै नेतृत्वको सरकारमा रहँदा मन्त्री पद खोसिएको, आफन्तलाई राज्यका विभिन्न निकायमा नियुक्ति दिएको र रुष्ट स्वभावका कारण पनि पोखरेल यसपटक पौडेलको अगाडि कमजोर प्रतिस्पर्धी देखिएका छन् ।

पोखरेलले जितेर गए पनि न सरकारको नेतृत्व, न पार्टीकै नेतृत्व लिन सक्ने बरु पौडेलले जिते पार्टी र सरकार दुवैमा पुग्ने सम्भावना देखेकाले पनि मतदाताको पहिलो रोजाइमा उनी परेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पार्टीको निर्णयलाई स्वीकार नगरे आशन्न स्थानीय तह निर्वाचन जित्न सकिन्न : कांग्रेस नेता पौडेल

घोषणपत्रमा लेख्ने तर काम नगर्ने दललाई भोट दिनुको कुनै औचित्य छैन : कांग्रेस नेता पौडेल

केशव स्थापित बालेन शाहविरुद्ध गालीगलौजमा उत्रिएपछि कांग्रेस नेता प्रदीप पौडेलले दिए चेतावनी

४४ प्रतिशत स्थानीय तहमा जितेको कांग्रेस उपसमितिको रिपोर्ट (प्रतिवेदनसहित)

प्रदीप पौडेलले संसदीय चुनावबारे गरे यस्तो खुलासा, तनहुँका ठूला नेता आत्तिए !

लमजुङ पुगेर प्रदीप पौडेलले दिए यस्तो अभिव्यक्ति, किसानहरुमा खुसियाली  !