काठमाडौं - राजनीति भन्ने चिज बडो निर्मम हुँदो रहेछ भन्ने तथ्य फेरि एकपटक पुष्टि भएको छ ।

दुई वर्षअघिसम्म नेपालमा कोरोना महामारीको चपेटामा थियो । सर्वसाधारण जनताले उपचारमात्र होइन, परीक्षणसमेत भनेको समयमा नपाउँदा अवस्था निकै भयावह भएको थियो । सरकारी अस्पतालमा उपचार गर्ने ठाउँ थिएन ।

निजी अस्पताल पनि भरिभराउ थिए । त्यसबेला रवि लामिछाने ग्यालेक्सी फोरके टेलिभिजन सञ्चालनको तयारीमा थिए । उनले न्युज२४ छाडिसकेका थिए ।

रविले बालाजुस्थित जनमैत्री अस्पतालमा कोरोना संक्रमितको उपचार गर्न सहज बनाउने भन्दै नेतृत्व लिए । जनमैत्री अस्पताल नेपाली कांग्रेसका केन्द्रीय सदस्य उमेश श्रेष्ठको स्वामित्वमा रहेको छ ।

सर्वसाधारण जनताको उपचारमा सहजता होस्, कसैको पनि अकालमा ज्यान नजाओस् भनेर श्रेष्ठले रविलाई निःशुल्क अस्पताल चलाउन दिए । श्रेष्ठ शिक्षासेवीका साथै समाजसेवाी पनि हुन् ।

जनमैत्री अस्पतालमा अक्सिजनसहितको सेवा सहज ढंगले केही समय उपलब्ध भएपछि रविको हाईहाई भयो । जनतामा उनको समाजसेवाको प्रभाव पर्यो । तर रविले श्रेष्ठले भने अस्पताललाई दुरुपयोग गरे ।

अक्सिजन सेवा उपलब्ध गराउने नाममा उनले धेरै पैसा असुलेको त्यतिबेलै समाचार आएको थियो । अहिले तिनै रवि चितवन २ मा कांग्रेस उम्मेदवार उमेश श्रेष्ठसँग प्रतिस्पर्धा गरिरहेका छन् । रविले चितवन ३ मा आफू उठ्ने भन्दै धेरै अघिदेखि प्रचार प्रसार गरेका थिए ।

नेता श्रेष्ठलाई पनि सहयोग गर्न भनेका थिए । तर, अन्तिम समयमा आएर रविले श्रेष्ठमाथि ठूलो घात गरे । अर्थात् ससुरा उद्धव पौड्यालका साथी विक्रम पाण्डेलाई जिताउन उनले चितवन ३ छाडेर अन्तिममा चितवन २ मा उम्मेदवारी दर्ता गरे ।

रविको यो छलकपटप्रति नेता श्रेष्ठ आश्चर्यमा परेका छन् । चितवन २ मा उम्मेदवारी दर्ता गरेपछि रविले फोनसमेत नउठाएको बुझिएको छ । अहिले कांग्रेस नेता श्रेष्ठ रविको त्यो घात सम्झेर अबदेखि कसैलाई पनि त्यत्तिकै विश्वास गर्न नहुने निष्कर्षमा पुगेका छन् ।

चितवन २ मा श्रेष्ठ, लामिछानेका साथै एमालेका कृष्णभक्त पोखरेल पनि उम्मेदवार बनेका छन् । लामिछाने जुनसुकै हालतमा जित चाहन्छन् । तर कांग्रेस र माओवादीको मत मात्रै सुरक्षित हुन सकेमा श्रेष्ठले चुनाव जित्ने बताइन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

काठमाडौंमा लकडाउन गर्न ढिलो भइसक्यो : कांग्रेस सांसद श्रेष्ठ

देउवा सरकारका यी मन्त्रीले गरे सरकारी सेवासुविधा नलिने घोषणा, अन्यत्र राजीनामा !

राज्यमन्त्री उमेश श्रेष्ठलाई पहिलो गाँसमै ढुंगा : देउवाले गरे हस्तक्षेप, खुलेआम लाज !

महेश बस्नेतसँगको लडाइँमा प्रचण्ड जित्ने गरी नयाँ ट्वीस्ट !

सरकारी पानी समेत खाँदैनन् यी राज्यमन्त्री, सर्वत्र हाइहाई !