काठमाडौं – निवर्तमान प्रधानमन्त्री केपी शर्मा ओलीको आडमा नेता महेश बस्नेतले थुप्रै काम गराए, जसमध्येको एक थियो – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’को गृहजिल्ला चितवनमा रहेको बीपी कोइराला मेमोरियल क्यान्सर अस्पतालबाट राष्ट्रिय क्यान्सर इन्स्टिच्युटलाई भक्तपुर सार्ने निर्णय ।

भक्तपुर नेता बस्नेतको गृहजिल्ला हो । बस्नेतले ओलीको पावर लगाएर इन्स्टिच्युटलाई भक्तपुर क्यान्सर अस्पतालमा सार्ने निर्णय गराएका थिए । तर अब प्रधानमन्त्री शेरबहादुर देउवा नेतृत्वको सरकारले चितवनमै इन्स्टिच्युट बनाउने भएको छ ।

स्वास्थ्य तथा जनसंख्या राज्यमन्त्री उमेश श्रेष्ठले अघिल्लो सरकारले गरेको इन्स्टिच्युट सम्बन्धी निर्णय रोक्न निर्देशन दिएका छन् । बीपी कोइराला मेमोरियल क्यान्सर अस्पतालको निरीक्षणपछि राज्यमन्त्री श्रेष्ठले भरतपुरमै राष्ट्रिय क्यान्सर इन्स्टिच्युट बनाइने बताएका छन् ।

स्वास्थ्य सचिव डा. रोशन पोखरेललाई अघिल्लो सरकारले गरेको निर्णय रोक्न निर्देशन दिइसकेको श्रेष्ठले बताए । उनले क्यान्सर रोगसम्बन्धी अध्ययन र अनुसन्धान केन्द्रका रुपमा बीपी कोइराला मेमोरियल क्यान्सर अस्पताललाई विकास गरिने बताउँदै बीपी कोइराला मेमोरियल क्यान्सर अस्पतालमा पर्याप्त जमिन र भौतिक संरचना भएकाले इन्स्टिच्युट भरतपुरमै बनाउनुपर्ने बताए ।

राज्यमन्त्री श्रेष्ठले भरतपुरलाई छाडेर भक्तपुरमा इन्स्टिच्युट बन्न नसक्ने बताएका छन् । निवर्तमान ओली सरकारले बीपी कोइराला मेमोरियल क्यान्सर अस्पताल, भक्तपुर क्यान्सर अस्पताल र सुशील कोइराला प्रखर क्यान्सर अस्पताल बाँकेलाई हेर्ने गरी अध्ययन, अनुसन्धानलगायत कामका लागि इन्स्टिच्युट भक्तपुर क्यान्सर अस्पतालमा राख्ने निर्णय गरेकामा चौतर्फी विरोध भएको थियो । नवनियुक्त राज्यमन्त्री श्रेष्ठले भरतपुरमा इन्स्टिच्युट राख्ने अडान लिएका छन् ।

‘राजनेताका नाममा स्थापना भएको क्यान्सर अस्पतालको विकासमा सरकारले कुनै कसर बाँकी राख्दैन,’ उनले भने । क्यान्सर रोग पहिचान गर्ने पेट स्क्यान लगायत महत्त्वपूर्ण उपकरण भित्र्याएर अस्पताललाई सुविधासम्पन्न बनाउन सरकारको तर्फबाट आवश्यक सहयोग हुने उनले बताए ।

राज्यमन्त्री श्रेष्ठले क्यान्सरका बिरामीका लागि सरकारले उपलब्ध गराउँदै आएको १ लाख रुपैयाँलाई बढाएर ३ लाख रुपैयाँ पुर्‍याइने जानकारी दिए । क्यान्सरका बिरामीका लागि प्रक्रिया मिलाएर कोरोना विरुद्धको खोप उपलब्ध गराइने श्रेष्ठले बताए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !