काठमाडौं - एमाले र एकीकृत समाजवादीका सचिवबीचको भिडन्तले गुल्मी २ मा चुनावी माहोल रोचक बन्दै गइरहेको छ ।

यो क्षेत्रबाट विष्टले लगातार चुनाव जित्दै आएका छन् । तर यसपटक उनकै सहयात्री रामकुमारी झाँक्री प्रतिस्पर्धामा उत्रिएपछि अवस्था रोचक बनेको हो ।

यहीबेला एमाले लुम्बिनी प्रदेश कमिटी सदस्य तथा गुल्मीका प्रभावशाली नेता शेषकान्त गौतमले गोकर्णको साथ छाडेका छन् । उनी रामकुमारीको क्याम्पमा पुगेका छन् ।

शेषकान्तले एमालेलाई मत नदिन भन्दै विज्ञप्ति नै जारी गरेका छन्। उनले सत्तारुढ गठबन्धनकी उम्मेदवार झाँक्रीलाई समर्थन गर्ने घोषणा गरेका छन् ।

यसले विष्टलाई ठूलो धक्का लाग्ने देखिएको छ । गौतमले एमालेका सचिव विष्ट नैतिक रुपमा पतन भइसकेको भन्दै निर्वाचनमा उनलाई समर्थन र सहयोग गर्न नसकिने आरोप लगाएका छन् ।

नेकपा विभाजनका क्रममा माधवकुमार नेपाललाई उचालेर आफू पछि हटेपछि जिल्लामा आएर आत्मआलोचना समेत नगरेका विष्टलाई समर्थन र सहयोग गर्न नसकिने स्पष्ट पारेका छन् ।

फरक पार्टीका उम्मेदवार झाँक्रीलाई समर्थन र सहयोग गर्ने घोषणा गरेका उनले पार्टी परित्याग भने नगरेको उल्लेख गरेका छन् । रामकुमारीलाई सहयोग गरेकै कारण पार्टीले कारबाही गरे भोग्न तयार रहेको उनले बताएका छन् ।

विष्टको विपक्षमा उभिएका शेषकान्तले गुल्मेली चेली भन्दै रामकुमारीलाई मतदान गर्न अपिलसमेत गरेका छन् । ‘कुनै राजनीतिक परिवारका कारण अगाडि नबढेकी र गुल्मेली गहना चेलीलाई समर्थन गरेर विजयी गराई पठाउन सम्पूर्ण गुल्मेलीहरूलाई आग्रह गर्दछु,’ उनले लेखेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रामकुमारी झाँक्रीले ओलीलाई भनिन् ‘महाराज’

केपी–विद्याबाट रामकुमारी झाक्रीलाई खतरा ! ‘म जतिबेला पनि मारिन सक्छु’

केपी ओलीलाई भ्रष्टाचारीको संरक्षक भन्दै यी नेकपाकी महिला नेत्रीले दिइन् दनक

गृहमन्त्री बादलको कडा निर्देशनकै भरमा रामकुमारी झाँक्रीलाई पक्राउ गर्न सक्छ प्रहरी ?

प्रहरीले पक्राउ गर्न खोजेपछि रामकुमारी झाँक्रीले दिइन् यस्तो प्रतिक्रिया, गलतविरुद्ध बोल्न नछाड्ने !

चिच्याइ–चिच्याइ बोलिन् रामकुमारी झाँक्री, ‘सन्की ओलीको प्याधा बन्ने महिलाविरुद्ध बोल्न पाइन्छ’