काठमाडौं-  नेपालीमा एउटा उखान चर्चित छ, संगत गुणाको बुद्धि बीऊ गुणाको फल । अहिले यो उखान ठ्याक्कै राप्रपा अध्यक्ष राजेन्द्र लिङ्देनमा चरितार्थ भएको छ । गत स्थानीय निर्वाचनमा झापाको दमक नगरपालिकामा आफ्ना मेयरका उम्मेदवार जिताउन कांग्रेस, माओवादीसँग तालमेल गरेका लिङ्देन अहिले आफू सांसद बन्न एमालेसँग सहकार्य गर्न पुगेका छन् । उनको संगत अहिले एमाले अध्यक्ष केपी ओलीसँग छ । त्यही भएर उनमा ओलीको बोलीको प्रभाव देखिन थालेको छ ।

ओलीले आगामी निर्वाचनमा एमालेले प्रत्यक्षमा एक सय र समानुपातिकमा ५० सिट जित्ने दाबी गरेका छन् । अहिले यही बोली लिङ्देनमा ठ्याक्कै देखिएको छ । आमचुनाव २०७९ का लागि राष्ट्रिय प्रजातन्त्र पार्टीले देशका १६५ निर्वाचन क्षेत्रमध्ये १४३ क्षेत्रमा उम्मेदवारी दिएको छ । जसमध्ये तीनजनाले एमालेको समर्थन पाएका छन् । गत वैशाख ३० गते भएको स्थानीय निर्वाचनमा देशभरका वडामा तीन लाख ४२ हजार ७८२ मत पाएको राप्रपाका अध्यक्ष लिङ्देनले यो चुनावमा आफ्नो पार्टीलाई पहिलो दाबी गरेका छन् । वडामा साढे तीन लाख मत पाएको राप्रपाले आगामी निर्वाचनमा ५० सिट समानुपातिकमा कसरी जित्ला ?

तर, राप्रपा अध्यक्ष लिङ्देनले आइतबार आयोजित कार्यक्रममा भने– ‘हाम्रो प्रतिस्पर्धा एमालेसँग मात्र हो । राप्रपासँग प्रतिस्पर्धा गर्ने हैसियत अरु दलको छैन । हामी समानुपातिकमा ५० सिट जित्छौं ।’ उनको यो दाबी सुनेर अहिले देशभरि चर्चा हुन थालेको छ– ‘लिङ्देनलाई पनि ओलीकै हावाले भेट्यो कि क्या हो’ भनेर । समानुपातिकमा एक सय १० सिट मात्र छ । एमालेले ५० र राप्रपाले ५० जित्दा कांग्रेसलगायत अरु दलको भागमा कति पर्ला ? त्यही भएर अहिले लिङ्देनको अभिव्यक्ति ओलीकै फोटोकपी भनेर चर्चा हुन थालेको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

निर्मल निवास राजेन्द्रतिर लागेपछि कमल थापालाई बज्रपात

राजेन्द्र लिङ्देन र रवीन्द्र मिश्रबीच को बढी राजावादी बन्ने प्रतिस्पर्धा

संसदकै सबैभन्दा सानो दल राप्रपामा गाईजात्रा, लाजले भुतुक्कै भए कार्यकर्ता !

आफूलाई सय क्विन्टलको ढक भनेर फुइँ हाँक्ने ओली चुनावमा बढारिने डरले स–साना दलसँग गठबन्धन

राजेन्द्र लिङ्देनले रेखा थापा च्यापेपछि महामन्त्री कुन्ती शाही फायर

उपेन्द्र यादव र राजेन्द्र लिङ्देनको पार्टीमा राम्रा नेता भेटिएनन्, श्रीमान्–श्रीमती नै मेयर र उपमेयरका उम्मेदवार