काठमाडौं - यसपटक भक्तपुर २ मा नेपाली कांग्रेसले बाजी मार्ने देखिएको छ । विगतको निर्वाचनलाई विश्लेषण गर्ने हो भने पनि योपटक कांग्रेसले चुनाव जित्ने पालो हो ।

किनभने भक्तपुर २ मा आलोपालो देखिएको छ । एकपटक नेमकिपा अर्कोपटक कांग्रेस, एकपटक कांग्रेस अर्कोपटक एमालेले यो क्षेत्रमा चुनाव जित्दै आएका छन् । अघिल्लो निर्वाचनमा भक्तपुर २ बाट एमाले नेता महेश बस्नेत विजयी भएका थिए । तर यसपटक भने उनलाई सहज हुनेछैन ।

बस्नेतलाई गठबन्धनको तर्फबाट कांग्रेस जिल्ला सभापति दुर्लभ थापाले कडा टक्कर दिँदै छन् । करिब एक लाख मतदाता रहेको यस क्षेत्रमा बस्नेत, क्षत्री र नेमकिपाकी अनुराधा थापामगरसहित २६ जना प्रतिस्पर्धामा छन् । ०७४ को संसदीय निर्वाचनको नतिजा र स्थानीय तहको मत परिणाम हेर्ने हो भने मुख्य प्रतिस्पर्धा सत्ता गठबन्धन, एमाले र नेमकिपाबीच हुने देखिन्छ ।

गत वैशाखमा सम्पन्न स्थानीय तह निर्वाचनको मत परिणाम हेर्दा पनि यो क्षेत्रमा तीव्र प्रतिस्पर्धा हुने देखिन्छ । अघिल्लो आमनिर्वाचनमा भक्तपुर २ मा बस्नेतले ६३ हजार एक सय नौ मतमध्ये ३६ हजार चार सय १२ मत पाएका थिए । निकटतम प्रतिद्वन्द्वी कांग्रेसका दमननाथ ढुंगानाले १८ हजार ६८७ मत पाएका थिए । नेमकिपाकी अनुराधा मगरले पाँच हजार ४७१ मत पाएकी थिइन् ।

त्यसवेला वाम एकताका कारण पनि बस्नेतलाई सहज थियो । अहिले माओवादी केन्द्र कांग्रेसको पक्षमा छ । साथै, एमालेबाट टुक्रिएको एकीकृत समाजवादी पनि सत्ता गठबन्धनमा रहेकाले यसपटक बस्नेतलाई तनाव थपिएको छ । भक्तपुर २ मा मध्यपुर ठिमी र सूर्यविनायक नगरपालिका पर्छ ।

यी पालिका राजमार्गसँग जोडिएको तथा नयाँ घना बस्ती भएका पालिका हुन् । ठिमीमा स्थानीय चुनावमा सत्ता गठबन्धनबाट कांग्रेसका सुरेन्द्र श्रेष्ठले १५ हजार ९८ मत ल्याएर विजयी हुँदा एमालेका मदनसुन्दर जगुलु श्रेष्ठले ११ हजार ३५ मत मात्र ल्याएका थिए । सूर्यविनायकमा पनि एमाले र कांग्रेसबीच ठूलो मतान्तर छैन ।

एमालेका वासु थापाले १४ हजार सात सय ५८ मतले मेयरमा जित्दा कांग्रेसका निशान ढुंगेलले १३ हजार दुई सय ३२ मत ल्याएका थिए । वडाको मतपरिणाम हेर्दा सूर्यविनायकमा १४ हजार पाँच सय १४ मतसहित एमाले अग्रस्थानमा छ भने ११ हजार पाँच सय ७२ मतसहित कांग्रेस दोस्रो स्थान छ ।

सूर्यविनायकमा कांग्रेस र एमालेबीच मेयरको मत थोरैले फरक रहे पनि मध्यपुर ठिमीका वडाहरूमा भने कांग्रेसको मत धेरै बढी छ । यहाँका नौ वडाका कांग्रेसका वडाध्यक्षले १४ हजार एक सय ९२ मत ल्याएका थिए ।

एमालेका वडाध्यक्षहरूको कुल मत नौ हजार सात सय ७२ मत थियो । दुई स्थानीय तहमा एमालेले २४ हजार र कांग्रेसले २५ हजारभन्दा बढी मत ल्याएका थिए ।

यस आधारमा कांग्रेसका थापा कम्फोर्ट जोनमा छन् भने बस्नेत अहिले नै रेडजोनमा छन् । यसमा माओवादी र एकीकृत समाजवादीको मत जोडिएको छैन ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीका अर्का प्रियपात्र मन्त्रिपरिषदमा ‘इन्ट्री’ हुँदै

ओली सरकारको रक्षाका लागि टोलटोलमा छुट्टै ‘सेना’ बनाउन युवालाई महेश बस्नेतको निर्देशन

ओलीलाई कारबाही गर्छु भनेपछि महेश बस्नेतको गर्जन : आउँदो चुनाव पछाडी प्रचण्डको हैसियत हेरौँला

‘मृत्युतुल्य माओवादीलाई आईसीयूमा अक्सिजन दिएर ओलीले उद्धार गरेको प्रचण्डले बिर्सिए’

‘भित्ते राष्ट्रपति’ पछि प्रचण्ड फेसबुके प्रधानमन्त्री !

प्रचण्डलाई महेश बस्नेतको यस्तो धम्की