काठमाडौं - काठमाडौं महानगर प्रमुख बालेन्द्र साह बालेनले ई–स्पोर्टसका लागि छुट्याइएको बजेट ‘रुटिन अफ नेपाल बन्द’ लाई नभएको प्रस्टीकरण दिएका छन् ।

सञ्चारमाध्यम तथा सामाजिक सञ्जालहरुमा उठेको प्रसंगका विषयमा आफ्नो ध्यानाकर्षण भएको जनाउँदै यो आधुनिक विश्वमा ई–स्पोर्टस खर्बौँको आर्थिक योगदान गर्ने विधा भएको प्रस्ट पारेका छन् ।

‘ई–स्पोर्टसका लागि छुट्याइएको बजेट कुनै अमुक संस्था वा खेलका लागि होइन । आधुनिक विश्वमा ई–स्पोर्टस खर्बौँको आर्थिक योगदान गर्ने बिधा हो । नेपालमा पनि यसको व्यावसायिक पाटो बढ्दैछ भने यही वर्ष हुने एसियाली खेलमा ई–स्पोर्टस पनि समावेश हुनेछ र योग्य रहेमा नेपाली ई–स्पोर्टसका

खेलाडीहरुले पनि सहभागी भएर राष्ट्रको गरिमा बढाउन सक्नेछन् । यसलाई व्यवस्थित र सिर्जनशील बनाउनका लागि महानगरले बजेट छुट्याएको हो । कानुनले तोकिएबमोजिमको प्रक्रिया अपनाएर पारदर्शी किसिमले बजेट कार्यान्वयन हुनेछ ।

फलानो संस्था वा फलानो खेलका लागि सुनिश्चित गर्ने जस्ता गैरकानुनी र अनैतिक कार्यमा महानगर सामेल हुने छैन । साथसाथै, यो विषयलाई लिएर अतिरञ्जित र अनैतिक रुपमा मेरो नाम जोडिएका समाचारहरुको खण्डन गर्दै पत्रकारिताको मर्यादाभित्र बसेर आफ्नो कार्य गर्न, गराउन अनुरोध गर्दछु,’ बालेनले बिहीबार दिउँसो सामाजिक सञ्जालमा लेखेका छन् ।

बालेनले ई–स्पोर्टसका नाममा आफूलाई चुनावमा जिताएको गुन तिर्न रुटिन अफ नेपाल बन्दका सञ्चालक भिक्टर पौडेललाई फाइदा हुने गरी एक करोड बजेट छुट्याएको समाचार आएको थियो । पौडेलले पनि यसमा कुनै सत्यता नभएको स्पष्ट पारिसकेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्थापितपछि बालेन शाह पनि विवादमा, आफ्नो सबै गीतमा महिलालाई हेपेको गुनासो

बालेन शाहलाई स्थापितले गम्भीर आरोप लगाएपछि खैलाबैला, एमाले पत्तासाफ हुने संकेत ! 

काठमाडौंमा बालेन शाहको विशाल अग्रता,कसले कति मत ल्याए ?

डिल्ली बजारको मत गन्दा बालेनलाई आपत, सिर्जनालाई राहत !

काठमाडौंमा ठूला पार्टी माथि बालेन एक्लै भारी, यस्तो छ ताजा मत परिणाम

काठमाडौंमा उल्टियो मत परिणाम, बालेनलाई झट्का !