राजनीतिक बिशेष
एमालेका ‘१० भाइ’ माथि सुरु भो कारबाहीको डन्डा, योगेशले दिए चेतावनी
एमालेका ‘१० भाइ’ माथि सुरु भो कारबाहीको डन्डा, योगेशले दिए चेतावनी
काठमाडौं - स्थानीय तहको निर्वाचनमा पराजय बेहोरेको रिस एमाले अध्यक्ष केपी ओलीले आफूइतरको नेतामाथि कारबाही थालेर पोखेका छन् ।
एमालेमा किचलो उत्पन्न हुँदा माधव नेपाललाई अन्तिममा धोका दिएर ओलीसँगै रहेका ‘१० भाइ’ नेतामध्ये घनश्याम भुसालबाट अनुशासनको कारबाही सुरु भएको छ ।
अध्यक्ष ओलीको आलोचना गर्दै पार्टी नीतिविपरीतका अभिव्यक्ति दिएको आरोपमा एमालेको अनुशासन आयोगले नेता भुसालमाथि कारबाही प्रक्रिया अघि बढाउन निर्देशन दिएको हो ।
शुक्रबार बसेको आयोगको सचिवालय बैठकले केन्द्रीय कमिटीलाई यस्तो निर्देशन दिएको हो । अनुशासन आयोगका अध्यक्ष केशव बडालले टेलिभिजनमा अन्तर्वार्ता दिने एक स्थायी कमिटीका सदस्यले पार्टी नीति र निर्णयविपरीत अभिव्यक्ति दिएको पाइएकाले कारबाही प्रक्रिया अगाडि बढाउन निर्देशन दिएको बताए ।
आयोगले भुसालका अभिव्यक्ति र पछिल्ला गतिविधिबारे ३१ जेठमा बोलाएको पूर्ण बैठकमा पनि छलफल गर्ने तयारी गरेको छ । स्थायी कमिटी सदस्य भुसालले हालै एक टेलिभिजनलाई दिएको अन्तर्वार्तामा स्थानीय तह चुनावमा एमालेको कमजोर प्रदर्शनप्रति नेतृत्वका हिसाबले अध्यक्ष ओली असफल भएको भन्दै आलोचना गरेका थिए ।
उनले लामो समयदेखि अध्यक्ष ओलीको कार्यशैली र पार्टी सञ्चालन तौरतरिकाको आलोचना गर्दै आएका छन् । एमालेको अनुशासन आयोगले स्थायी समिति सदस्य भुसालमाथि कारबाही सिफारिस गरेकोमा सचिव योगेश भट्टराईले असन्तुष्टि जनाएका छन्। उनले आवेग र उत्तेजनामा गरिने क्रिया प्रतिक्रियाले सही ठाउँमा नपुर्याउने बताए। ‘अप्ठ्यारो बेलामा सबै सम्हालिनु पर्छ।
आवेग, उत्तेजना र आग्रहमा गरिने कुनै पनि क्रिया र प्रतिक्रियाले सही ठाउँमा पुर्याउँदैन। फेरि पनि बादे बादे जायते तत्व बोध,’ योगेशले आइतबार सामाजिक सञ्जालमा लेखेका छन्।
एमाले अध्यक्ष ओलीले पार्टीका नेताबाटै चुनावमा अन्तर्घात भएको भन्दै असन्तुष्टि जनाउँदै आएका छन् । पार्टीका १० भाइ नेताहरू निष्क्रिय भएको उनको आरोप छ ।
भीम रावल, युवराज ज्ञवाली, योगेश भट्टराई, भीम आचार्य, अष्टलक्ष्मी शाक्य, गोकर्ण विष्ट, रघुजी पन्तलगायत कोही पनि यसपटकको निर्वाचनमा सक्रिय देखिएनन् । पार्टी अध्यक्ष ओली मात्रै जताततै पुगेका थिए ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४