काठमाडौं - सहरी विकासमन्त्री रामकुमारी झाँक्री प्रधानमन्त्री शेरबहादुर देउवाको लाइनमा उभिएकी छन् ।

अमेरिकी सहयोग परियोजना एमसिसी संसदबाट अनुमोदन गर्नुंपर्छ भन्ने प्रधानमन्त्री देउवाको पक्षमा आफू रहेको उनको भनाइ छ ।

मन्त्रिपरिषद्‌मा रहँदासम्म प्रधानमन्त्रीको धारणा नै आफ्नो पनि हुने उनको तर्क छ । शुक्रबार संसद् बैठकपछि पत्रकारहरुलाई प्रतिक्रिया दिँदै मन्त्री झाँक्रीले आफू मन्त्रिपरिषद्को सदस्य रहँदासम्म एमसीसीलगायत अन्य विषयमा प्रधानमन्त्रीको भन्दा फरक धारणा राख्न उपयुक्त नहुने बताएर एकीकृत समाजवादीका नेताहरूको गालामा थप्पड हानेकी छन् ।

सो पार्टीका अध्यक्ष माधवकुमार नेपाल, वरिष्ठ नेता झलनाथ खनाल एमसिसी खारेज गर्नुपर्ने पक्षमा छन् । ‘म मन्त्रिपरिषद्को सदस्य भएको कारणले अहिले मैले प्रधानमन्त्रीले राखेको धारणाभन्दा फरक भएर धारणा राख्न उपयुक्त पनि हुँदैन’, उनले भनिन् ‘जतिबेलासम्म म यो मन्त्रिपरिषद्को सदस्य हुन्छु मेरो यही धारणा हो।’

उनले नेपालको आन्तरिक राजनीतिमा अनावश्यक ढंगले किचलो हाल्न एमसिसी ल्याइएको भन्दै राष्ट्रको हित र सरकारको विश्वसनीयताका लागि त्यस्ता विषयबाट सचेत रहनुपर्ने बताइन् । शनिबार बस्ने एकीकृत समाजवादीको बैठकले पार्टी सरकारमा रहने नरहने भन्ने निर्णय गर्ने भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रामकुमारी झाँक्रीले ओलीलाई भनिन् ‘महाराज’

केपी–विद्याबाट रामकुमारी झाक्रीलाई खतरा ! ‘म जतिबेला पनि मारिन सक्छु’

केपी ओलीलाई भ्रष्टाचारीको संरक्षक भन्दै यी नेकपाकी महिला नेत्रीले दिइन् दनक

गृहमन्त्री बादलको कडा निर्देशनकै भरमा रामकुमारी झाँक्रीलाई पक्राउ गर्न सक्छ प्रहरी ?

प्रहरीले पक्राउ गर्न खोजेपछि रामकुमारी झाँक्रीले दिइन् यस्तो प्रतिक्रिया, गलतविरुद्ध बोल्न नछाड्ने !

चिच्याइ–चिच्याइ बोलिन् रामकुमारी झाँक्री, ‘सन्की ओलीको प्याधा बन्ने महिलाविरुद्ध बोल्न पाइन्छ’