काठमाडौं - राष्ट्रिय सभाको निर्वाचनमा एमाले झन्डै पत्तासाफ भएको थियो । तर, सोलुखुम्बुका सोनाम ग्याल्जेन शेर्पाले एमालेको दम्भ र अहंकार जोगाइदिए ।

यदि गठबन्धनमा तलवितल नपरेको भए जसपाका उम्मेदवारले जित्ने थिए । एमाले शून्य नै हुन्थ्यो । तर, पनि एमाले नेताहरूमा अहिले पनि बहुमत ल्याउने दम्भ टुटेको छैन ।

अघिल्लो निर्वाचनमा पनि वाम एकता हुन्छ भनेर निर्वाचनमा नगएको भए एमालेको दम्भको बेलुन यसरी फुल्ने थिएन । अहिले एमालेमा दम्भ जसरी बढेको छ, त्यो अघिल्लो निर्वाचनमा माओवादी केन्द्रसँग भएको गठबन्धन नै थियो ।

बुधबार भएको राष्ट्रियसभाको निर्वाचनमा १८ सिटमा गठबन्धनका उम्मेदवार विजयी भए । यदि आगामी स्थानीय तह, प्रदेश र प्रतिनिधिसभा निर्वाचनमा गए भने पनि गठबन्धनले यसरी नै जित्ने हो, एमाले झन्डै झन्डै बिलाउने निश्चित छ ।

तर, राष्ट्रिय सभाको निर्वाचनको तथ्यलाई लिएर सो पार्टीका महासचिव शंकर पोखरेलले अझै जनतालाई बेवकुफ बनाउन छाडेका छैनन् । बुधबार राति पोखरेलले सामाजिक सञ्जालमार्फत विष वमन मात्र गरेनन्, आगामी निर्वाचनमा एमालेले एक्लै बहुमत ल्याउँछ भनेर दाबी पनि गरे । उनले कांग्रेसका उम्मेदवारले कम मत पाएको भन्दै प्रचण्ड र माधव नेपालको उछितो काढेका छन् ।

उनले लेखेका छन्, ‘पाँचदलीय गठवन्धनको मोर्चावन्दीका बीचबाट प्रदेश १मा एमालेका एकजना उमेद्वारले विजय हासिल गरेका छन् । एकजना बराबरी मत आएर गोलावाट पराजित भएका छन् ।

निर्वाचनपछि पनि राष्ट्रिय सभामा एमाले पहिलो दलको हैसियतमा कायम छ । अब हुने सबै निर्वाचन प्रत्यक्ष हुने भएकोले गठवन्धन कमजोर हुने र एमाले थप सुदृढ हुने आधारसमेत यस निर्वाचनले संकेत गरेको छ ।’

तर पोखरेलले के बुझेनन् भने अहिले जनप्रतिनिधिले भोट हालेका हुन् । आगामी निर्वाचनमा जनताले भोट हाल्ने हो । पहिलेको निर्वाचबाट आएका जनप्रतिनिधिले भोट हालेकाले एमालेको धेरै मतभार देखिएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

‘रअ’ प्रमुख भारतीय प्रधानमन्त्रीको सन्देश लिएरआएका शंकर पोखरेलको दाबी